Хас оҕо 100 баалга туттарбыта билиннэ

Ил Дархан Айсен Николаев тус телеграмҥа ханаалыгар 2023 сыллааҕы биир кэлим эксээмэни бастакынан 100 баалга туттарбыттар биллибиттэрин туһунан үөрүүтүн үллэстэр.

“Химияҕа уонна литэрэтиирэҕэ биир кэлим эксээмэн түмүгэ билиннэ. Бу түмүк үөрдэр – 100 баалга 11 оҕо туттарбыт! Муҥутуур үрдүк баалы химияҕа 3, литэрэтиирэҕэ 8 оҕо ылбыт.

Оҕолору уонна учууталлары ис сүрэхпиттэн эҕэрдэлиибин. Маладьыастаргыт!”, — диэн суруйар.

Өссө даҕаны 100 баалга туттарыахтара диэн эрэнэбит.