Хат буолууга, төрөөһүҥҥэ босуобуйа үрдээтэ

2025 сылтан хат буолууга, төрөөһүҥҥэ босуобуйа кээмэйэ үрдээтэ диэн Социальнай пуонда Саха сиринээҕи салаата иһитиннэрэр. 

Босуобуйа кээмэйэ дэкириэтинэй уоппуска иннинээҕи  икки  сыл хамнаһыттан ааҕыллар.

2025 сылга Арассыыйаҕа хамнас алын кээмэйэ (МРОТ) 22 440 солкуобайга тэҥнэһэр, бу учуоттанар.

Оттон босуобуйаны ааҕыыга муҥутуур кыра уонна үрдүк кээмэй маннык буолар:

140 күҥҥэ — саамай кыччаабыта 103 285 солкуобай, муҥутаан улааппыта 794 355 солкуобай.

156 күҥҥэ — саамай кыччаабыта 115 089 солкуобай, муҥутаан улааппыта 885 139 солкуобай.

194 күҥҥэ — саамай кыччаабыта 143 123 солкуобай, муҥутаан улааппыта 1 100 750 солкуобай.

Босуобуйа чопчу кээмэйэ дьахтар хамнаһыттан тутулуктаах.