Саха сиригэр оҕо төрөөтөҕүнэ уонна иитиигэ бэриллэр ыйдааҕы босуобуйа туһунан сокуону ылыннылар. Үлэ, социальнай сайдыы миниистирэ Елена Волкова босуобуйа кээмэйин туһунан иһитиннэрдэ.
2023 сыл тохсунньутуттан хат дьахталларга уонна 17-рин туола илик оҕолоох төрөппүттэргэ босуобуйа кээмэйэ үрдүүр.
Хат дьахтар 6-12 нэдиэлэтигэр учуокка турбут буоллаҕына, төрүөр диэри ыйдааҕы босуобуйа бэриллэр. Оттон дьиэ кэргэн кыра дохуоттаах буоллаҕына, хас биирдии төрөппүт (ииппит) оҕотугар (17 сааһыгар диэри) ыйдааҕы босуобуйаны ылар. Босуобуйа кээмэйэ, ыал дохуотуттан көрөн, тиийинэн олоруу кээмэйин 50, 75, 100%-гар тэҥнэһэр.
Дьэ, босуобуйа кээмэйэ төһө буолар эбитий?
Хат дьахтарга босуобуйа муҥутуур кээмэйэ (100%) – 27 682 солкуобай (Арктика улуустарыгар), атын улуустарга — 23 187 солкуобай.
Оҕоҕо босуобуйа муҥутуур кээмэйэ (100%) – 26 829 солкуобай (Арктика улуустарыгар), 22 472 солкуобай (атын улуустарга).
Сайабылыанньаны “Госуслуги” портал, Элбэх өҥөнү оҥорор киин (МФЦ) нөҥүө биэриэххэ сөп. Эбэтэр, Социальнай пуондаҕа (Биэнсийэ уонна Социальнай страховкалааһын пуондалара холбоспуттара) тиийэн бэриллэр.
Дьокуускайга "Работай в Якутии'' диэн ыччат бэстибээлэ буола турар. Бэстибээл чэрчитинэн, ситиһиилээх урбаанньыттары, чунуобунньуктары кытта…
Бүгүн, от ыйын 16 күнүгэр, Муома улууһун Хонуу сэлиэнньэтигэр ууга барыан сөптөөх сирдэртэн аҕам саастаах,…
"Рататуй" диэн оҕуруот аһыттан бүлүүдэни Францияҕа сөбүлээн астыыллар. Оннук ааттаах ойуулугу өйдүүгүт? Дьэ, хайдах буһараллар…
Анал байыаннай дьайыы кыттыылааҕа уонна «Саха сирэ – Дьоруойдар дойдулара» эрэгийиэннээҕи каадыр бырагырааматын кыттыылааҕа Тит…
Суукка иһигэр Дьокуускайга биэс суол саахала буолбут, ол түмүгэр икки киһи тыына быстыбытын туһунан ГАИ…
Москваҕа Арассыыйа Федерациятын Судаарыстыбаннай сэбиэтин «Энергетика» салаатыгар хамыыһыйа мунньаҕа буолла. Мунньаҕы хамыыһыйа салайааччыта – Саха…