Хаартыска: Дьокуускай куорат дьаһалтата
Өрөспүүбүлүкэтээҕи килиниичэскэй балыыһа Перинатальнай киинигэр Хат дьахтар күнүн бэлиэтээтилэр. Манна сытар дьахталларга араас оонньуулары, куонкурустары тэрийдилэр, эҕэрдэлээтилэр, эстрада ырыаһыттара ырыаларын бэлэхтээтилэр.
— Саха сиригэр сыллата уонтан тахса тыһыынча кырачаан күн сирин көрөр, ол онтон 50% биһиги Перинатальнай кииммитигэр төрүүллэр. Биһиги хат дьахталлар доруобуйалара этэҥҥэ буоларыгар уонна доруобай оҕону төрөтөллөрүгэр бары усулуобуйаны оҥорорго кыһаллабыт, — диэн килиниичэскэй балыыһа кылаабынай бырааһа Алена Никитина бэлиэтээтэ.
Маны тэҥэ, ийэлэри Дьокуускай куорат дьаһалтатын уопсастыбаннай сибээстэргэ уонна ыччат бэлиитикэтигэр управлениетын салайааччы Андрей Михайлов эҕэрдэлээтэ.
— Бу маннык күн баара эһигини, саҥа олоҕу илдьэ сылдьар, ийэ ууһун ууһатааччы кэрэ аҥаардары эҕэрдэлииргэ, махталбытын этэргэ төрүөт буолар. Дьокуускай куорат дьаһалтата ийэлэри, оҕолору, эдэр дьиэ кэргэттэри өйүүргэ, табыгастаах усулуобуйаны оҥорорго болҕомтотун уурар, — диэн кини эттэ.
Арассыыйаҕа Хат дьахтар күнэ иккитэ — муус устар 7 күнүгэр уонна алтынньы 7 күнүгэр бэлиэтэнэр. Кинилэр баар буолан, саҥа киһи күн сирин көрөр, төрөөһүн эбиллэр. Онон уопсастыбаҕа хат дьахтар статуһун үрдэтэр сыалтан ыытыллар.
Саха Өрөспүүбүлүкэтин култууратын уонна духуобунай сайдыыга министиэристибэтэ уонна Хомус Аан дойдутааҕы түмэлэ тэрийиилэринэн, 2025 с.…
Ааспыт сууккаҕа Саха сиригэр икки буруйу оҥоруу тахсыбыт. Манан процессуальнай бэрэбиэркэни ыытыыны уонна холуобунай дьыалалары…
Ахсынньы 16 күнүгэр Дьокуускай куоракка өр күүтүллүбүт «Патриот» ыччат киинин үөрүүлээх арыллыыта буолла. Бу –…
Уус Алдан улууһун Кэптэнитигэр “Хаарбах туруктаах дьиэттэн көһөрүү" бырагырааманан саҥа таас дьиэ үлэҕэ киирдэ. Бу…
Бүгүн, ахсынньы 17 күнүгэр, өрөспүүбүлүкэ хоту, илин, соҕуруулуу-арҕаа өттүгэр кыралаан хаардыаҕа. Киин, арҕаа улуустарга туманнаах,…
Бүгүн, ахсынньы 17 күнүгэр, Дьокуускайга 1–5-с кылаас үөрэнээччилэригэр актированнай күн биллэрилиннэ. Бу туһунан киин куорат…