Хаартыска: Мария Васильева, СИА.
Хас да улууска +15 кыраадыска тиийэ сылыйыа. Ханныктарга?
Кэлэр нэдиэлэҕэ күнү-дьылы билгэлээччилэр нуорматтан үрдүк температура буолуон сөп диэн сылыктыыллар – хас да улууска +15 кыраадыска тиийэ сылыйыа. Күн-дьыл туругун туһунан СИА-ҕа Саха сиринээҕи УГМС метеорологическай уонна агрометеорологическай салаатын начаалынньыга Саргылана Никитина кэпсээтэ.
Билигин намыһах температура өрөспүүбүлүкэ сиригэр-уотугар барытыгар турар. Тымныы арктическай салгын балаҕан ыйын 21-22 күннэригэр Саха сирин арҕаа уонна киин улуустарыгар баарын биллэриэ.
“Өрөбүл күннэргэ циклон арҕаа улуустары нөҥүөлээн, өрөспүүбүлүкэ соҕуруулуу-илин өттүгэр сыҕарыйан биэриэ. Оччотугар арҕааҥҥы уонна киин улуустарга ардахтыа, түүнүн инчэҕэй хаар түһүө. Ленскэй, Өлүөхүмэ улуустарыгар, Мииринэй оройуонун соҕуруу өттүгэр салгын +15 кыраадыска тиийэ сылыйыа. Аныгыскы нэдиэлэҕэ Монголия диэкиттэн итии салгын маассата кэлэрин кэтэһэбит. Оччоҕо салгын температурата киин, соҕуруулуу-арҕаа улуустарга +10…+15 кыраадыска диэри сылыйыа. Бу нуорматтан үрдүк көстүү. Сылыйда да, ардах түһэрэ күүтүллэр. Салгыы балаҕан ыйын 27 күнүттэн халлаан сөрүүдүйэн барыа”, — диэн күнү-дьылы билгэлээтэ Саргылана Никитина.
Ил Дархан туһаайан этиитигэр дьоҕус урбааны өйүүр боппуруос болҕомтоҕо ылыллыа диэн, норуот дьокутаата, Ил Түмэн…
“Илии сылааһа” сыах (сал. Саввина И.Е.) филиала Куокуйдааҕы “Надежда” холбоһук (сал. Еремеева Т.У.) бу сылга…
Дьокуускайдааҕы полиция 1-кы №-дээх отделын дьуһуурунай чааһыгар олохтоох дьахтар кини аатыгар сокуоннайа суохтук 145 тыһ.солк.…
СӨ муниципальнай тэриллиилэрин бэрэстэбиитэллээх уорганнарын дьокутааттарын 3-с сийиэһэ куорат уокуруктарын, тыа сирин нэһилиэктэрин дьокутааттарын түмтэ.…
Саха норуодунай суруйааччыта, Саха Өрөспүүбүлүкэтин култууратын үтүөлээх үлэһитэ, СӨ Суруйааччыларын сойууһун бэрэссэдээтэлинэн үлэлээбит Егор Петрович…
Быйыл өрөспүүбүлүкэ 13 арктическай улууһугар барыларыгар эргиэн логистическай кииннэрэ аһылыннылар. Бу соругу Айсен Николаев Судаарыстыбаннай…