Хатааһыннаах саас буоларыгар

Күн-дьыл билгэтэ.

Быйыл кыһын сылгы сотору-сотору хахсыйарын, эбэтэр ойуурга киргил торулуурун иһиттиҥ дуо? Хатааһыннаах саас буоларын хайдах билиэххэ сөп эбитий?

Дьэбдьиэкэйэп күн (кулун тутар 14 күнэ) хотуттан, арҕааттан тыалырар, хаар түһэр.

Киргил эрдэ (тохсунньу саҥатыгар) торулуур.

Көтөрдөр быстах-быстах кэлэллэр уонна үөрдэрэ аҕыйах буолар.

Куобах хойутаан түүлүүр.

Курупааскы хааһа эрдэ кытарар.

Кус этэ эмис буолар.

Күһүҥҥү сарсыарда үргэл хойутаан киирэр.

Кымырдаҕас уйатын хаара саас күн көрөр өттүттэн ирэр.

Ньургуһун аанньа үүммэт, үрүмэччи аҕыйах буолар.

Саас тоҥот туруйата хаһыытыыр.

Сааскы сарсыардаҕа хаар чооруостара дьиэ таһыгар элбэхтик мусталлар.

Суор эрдэ, тохсунньуга, сымыыттыыр.

Сылгы кыһын сотору-сотору хахсыйар.

Туллуктар саас эрдэ кэлэллэр, тэлгэһэттэн ырааппаттар.

Саха ыалын халандаарыттан,

«Айар» кинигэ кыһата, 2026 с.