Хатаһынан өрүһү туоруур кыһыҥҥы суол аһылынна

Тиэхиньиичэскэй көрүү-истии түмүгүнэн, бүгүҥҥүттэн Хатас — Павловскай хайысхатынан өрүһү туоруур кыһыҥҥы суол аһылынна.

Бу туһунан ЫБММ пресс-сулууспата иһитиннэрдэ. Өрүс мууһа  35-тэн  80 см диэри халыҥаан, 3 туоннаҕа диэри уйуктаах тиэхиньикэ сырыыта көҥүллэннэ.

Бүгүҥҥү туругунан өрөспүүбүлүкэҕэ өрүһү туоруур 21 кыһыҥҥы суолунан айан-сырыы көҥүллэнэн турар.