Хатас орто оскуолата “Арассыыйатааҕы Билим академиятын тирэх оскуолата” бырайыакка хапсыбыт

П.Н. уонна Н.Е.Самсоновтар ааттарынан Хатас орто оскуолата “Арассыыйатааҕы Билим академиятын тирэх оскуолата” бырайыакка киирбит уонна туһааннаах сэртипикээти туппут.

— Оскуола дириэктэрин Николай Слепцовы, педагогическай кэлэктииби уонна үөрэнээччилэри үөрэх тэрилтэтэ сайдарыгар бу саҥа түһүмэҕинэн эҕэрдэлиибин!

Бу агро оскуола аатын-суолун үрдэтэр эрэ буолбатах, улахан эппиэтинэһи сүктэрэр, ону эһиги ситиһиилээхтик толороргутугар эрэлээхпин.

Күн бүгүн Арассыыйатааҕы Билим академиятын оскуолата дойду 32 субъегар үлэлиир. Маннык  үөрэх кыһатынан үөрэх хаачыстыбатын ирдэбилигэр эппиэттиир оскуола буолар уонна Билим академиятын кытта бииргэ үлэлэһэн саҕалыаҕа.

Арассыыйатааҕы Билим академиятын тирэх оскуолалара – бу Арассыыйа технологическай лиидэрдэрин сайдыытын бастакы үктэлэ буолар. Билими уонна аныгы технологияны сэҥээрэр талааннаах оҕолору оскуолаҕа бэйэтигэр булан, эрэгийиэннэр инники күөҥҥэ сылдьар тэрилтэлэрин өйөбүлүнэн кэллиэстэргэ, үрдүк үөрэх кыһаларыгар бэлэмниэхтэрэ.

Дьокуускай куораттааҕы лиссиэйи, В.П.Ларионов аатынан физика-тиэхиньиичэскэй лиссиэйи сэргэ Дьокуускай куораттан Арассыыйатааҕы Билим академиятын тирэх оскуолата аатын сүкпүт бу үһүс оскуола буоларын бэлиэтиир оруннаах – диэн Дьокуускай куорат мээрэ Евгений Григорьев телеграм-ханаалыгар суруйар.