Хатас оскуолатын хамаандата Бүтүн Арассыыйатааҕы “Оскуола стартаба” күөн күрэскэ кыайда

Бу күннэргэ Москва куорат агро-биисинэс кырачаан саҥаны айааччыларын киининэн буолла. Манна “Оскуола агростартаба” Бүтүн Арассыыйатааҕы кэскиллээх күөн күрэс ыытылынна. Бу чаҕылхай тэрээһиҥҥэ дойду 29 эрэгийиэнин үөрэнээччилэрэ ураты айар дьоҕуру уонна быраактыкаҕа сатабылы көрдөрөн кытыннылар.

Икки тыҥааһыннаах түһүмэх кэнниттэн, Хатас оскуолатын “Агрокубовецтар” хамаандата бастакы миэстэни ылла! Кинилэр “Хатарыллыбыт морсу оҥорууга биисинэс-былаан” бырайыактарын дьүүллүүр сүбэ ураты, саҥаны киллэрии уонна оҥорон таһаарыыга чахчы кэскиллээх диэн үрдүктүк сыаналаата.

Бу улахан кыайыы хамаанда сыралаах үлэтинэн уонна уһуйааччылар Матвеев Николай Афанасьевич, Николаева Анастасия Егоровна дириҥ, киэҥ толкуйдаах салайыыларынан ситиһилиннэ. 11-с “А” кылаас үөрэнээччитэ Павел Марковы киэн тутта ааттыыбыт.

Эрэгийиэн эспиэртэрэ бары киирбит бырайыактар саҥа киллэриилэринэн уратылаахтарын, салгыы сайдар кыахтаахтарын үрдүктүк сыаналыыллар. Бу туһунан Дьокуускай куораттааҕы үөрэх управлениета иһитиннэрэр.