Хаартыска: СӨ Тырааныспар министиэристибэтин тг-ханаала
Туоруур сиринэн 5 туоннаҕа диэри ыйааһыннаах массыыналар киирэллэрэ көҥүллэннэ.
Сэтинньи 29 күнүгэр, субуотаҕа, хамыыһыйа көрүүтүн түмүгүнэн, “Хатас-Павловскай” хайысханан Өлүөнэ өрүһү туоруур суолу аһар туһунан быһаарыыны ылынныбыт диэн СӨ тырааныспарга уонна суол хаһаайыстыбатыгар миниистирэ Владимир Сивцев эттэ.
Туоруур сиргэ 5 туоннаҕа диэри ыйааһыннаах массыыналар киирэллэр. Муус халыҥаан истэҕин аайы, таһаҕас кыамтатын кыра-кыралаан улаатыннаран иһиэхтэрэ.
«Урут ахсынньы саҕаланыытыгар 3 туоннаҕа диэри ыйааһыннаахтары көҥүллүүрбүт, ол гынан баран кэмигэр оҥоһуллубут үлэлэр түмүктэринэн туорааһыны былааннаммыт болдьохтон эрдэ арыйдыбыт. Бэдэрээтчиттэр, «Мехдорстрой» ХЭУо уонна «СУ-77» ХЭУо, хаачыстыбалаах түргэн үлэлэрин бэлиэтиэхпин баҕарабын, ол түмүгэр 5 туоннаҕа диэри ыйааһыннаах массыыналар өрүһү туоруулларыгар кыах бэрилиннэ», — диэн миниистир тоһоҕолоон эттэ.
Өрүһү туорааһыҥҥа куттал суох буолуутун хааччыйар сыалтан, СӨ Массыына суолларыгар управлениета күнүстэри-түүннэри үлэлиир видеонан кэтээн көрөр уонна ыйааһыны бэрэбиэркэлиир пууннары олохтоото.
СӨ Тырааныспар уонна суол хаһаайыстыбатын министиэристибэтэ суоппардар олохтоммут ыйааһыны уонна бэйэ-бэйэттэн 70 миэтирэттэн кырата суох ырааҕы тутуһан, суол бэлиэлэрин ирдэбиллэринэн айанныылларыгар ыҥырар.
Кыстыкка киириигэ саха дьоно номнуо идэһэлэрин дьаһайан, аһы-үөлү хаһааналлар. Бүгүн биһиги сүөһү уонна убаһа иһиттэн…
Арассыыйа Дьоруойа, уос номоҕо буолбут «Алеша» тааҥка наводчик-эпэрээтэрэ Алексей Неустроев Бүтүн Арассыыйатааҕы мас-рестлинг федерациятын вице-бэрэсидьиэнинэн…
Бу нэдиэлэҕэ Саха Өрөспүүбүлүкэтин сэттис ыҥырыылаах Судаарыстыбаннай Мунньаҕын (Ил Түмэн) XV (уочараттаах) пленарнай мунньаҕа буолан…
Ахсынньытааҕы хамнас Саҥа дьыл бырааһынньыктарыгар түбэһэр буоллаҕына, үлэни биэрээччи үлэһиттэрин хамнаһын эрдэ төлүөхтээх диэн ТАСС-ка…
Сэтинньи 25 күнүгэр «Олоҥхо» дэкээдэтин уонна «Хомус күнүн» көрсө Таатта улууһун И.В. Николаев аатынан Харбалаахтааҕы…
“Сонор суолугар” Мэҥэ Хаҥалас Майа сэл. олохтооҕо Иннокентий Неустроев бу сырыыга саһыл сыатын туһунан маннык…