Хатас-Павловскай хайысханан өрүс суолун болдьоҕун уһаттылар

Өлүөнэ өрүһүнэн Хатас-Павловскай хайысханан туоруур суолу муус устар 17 күнүгэр диэри уһаттылар. Бу туһунан СӨ Суолун управлениетыгар иһитиннэрдилэр.

«Өрүһү куттала суохтук туоруур туһуттан резервнэй балаһалар туһаныллаллар. Хатас өттүттэн суол оҥорооччулар автогрейдеринэн ааспыттара. Ол да буоллар, суоппардары күнүскү өттүгэр ириэрээһин күүскэ барар буолан айантан-сырыыттан туттуналларыгар ыҥырабыт», — диэн управлениеҕа иһитиннэрэллэр.