Хатас-Павловскай хайысханан кыһыҥҥы суолу оҥоруу түргэтитилиннэ

Сэтинньи бүтүүтэ 3 туоннаҕа диэри ыйааһыннаах  тырааныспар сырыытын арыйарга Хатас-Павловскай хайысханан Өлүөнэ эбэни туоруур кыһыҥҥы суолу оҥоруу тэтимнээхтик ыытыллар.

Сэтинньи 16 күнүгэр СӨ Тырааныспарга уонна суол хаһаайыстыбатын миниистирин бастакы солбуйааччы Анатолий Потапов Суол управлениетын кытта үлэ хаамыытын бэрэбиэркэлээтилэр, диэн биэдэмистибэ пресс-сулууспата иһитиннэрдэ.

Эбийиэккэ тыраахтарынан мууһу ыраастааһын үлэлэрэ оҥоһуллаллар. Ону тэҥэ чараас муустаах учаастактарынан мотопомпанан ууну кутуу үлэтэ  барар. Үлэҕэ икки «МТЗ- 82» тыраахтар, погрузчик, үс мотопомпа, 15  оробуочай сылдьаллар.