Хаартыска: СӨ Суол управлениета
Суолу тутааччыларга Өлүөнэ өрүһү туоруур суолу тутууну түргэтэтэргэ сорудахтаатылар. Үс туоннаҕа диэри ыйааһыннаах тырааныспар сырыыта Хатас-Павловскай хайысханан сэтинньи бүтүүтэ аһыллара былааннанар.
Ол туһунан СӨ Суол управлениетыгар иһитиннэрдилэр. Өрүс икки өттүнэн уонна фарватерынан эбэ мууһун туругун СӨ Тырааныспарга уонна суол хаһаайыстыбатын министиэристибэтин бэрэстэбиитэллэрин, өрөспүүбүлүкэ тырааныспарын управлениетын, ону сэргэ «Мехдорстрой» «СУ-77» бэдэрээттэһэр тэрилтэлэр көһө сылдьар хамыыйата бэрэбиэркэлээтэ.
Управление иһитиннэриитинэн, Дьокуускайтан өттүттэн муус халыҥа чарааһынан анал тиэхиньикэни туһанар кыах суох. «Мехдорстрой» хампаанньаҕа мууһу халыҥатарга мотопомпа эбэргэ сорудахтанна. Ону таһынан, мууһу ыраастааһыҥҥа үлэһиттэр ахсаанын элбэтэргэ этилиннэ.
«СУ-77» Өлүөнэ эбэ уҥуоргу өттүгэр анал тиэхиньикэ үлэтэ-хамнаһа күүһүрэрэ эрэйиллэр.
«Бүгүн дьон олоҕун уонна доруобуйатын куттала суох буолуутун хааччыйар сыалтан мууска тахсыы бобулунна. Суолу түргэнник арыйарга эбийиэккэ үлэ хаамыытын күннээҕи хонтуруола наада. Сорук туруорулунна. Сэтинньи бүтүүтэ Хатас-Павловскай хайысханан үс туоннаҕа диэри суол арыллыахтаах», — диэн СӨ Тырааныспарга уонна суол хаһаайыстыбатын министиэристибэтин бастакы солбуйааччы Анатолий Потапов бэлиэтээтэ.
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…
Тымныыттан эчэйии үксэ арыгы иһииттэн тахсар диэн Өрөспүүбүлүкэтээҕи 2 №-дээх балыыһатын - Суһал мэдиссиинэ көмөтүн…
Тэрээһиннэргэ байыаннай дьайыы бэтэрээннэрэ уонна кыргыһыы хонуутугар охтубут дьон дьиэ кэргэттэрин чилиэннэрэ, барыта 28 тыһыынчаттан…