Хатаска атыыламмыт сир учаастактарын магистральнай гаас ааһарынан суут атыылаһыы дуогабарын көтүрдэ

Ааспыт сыл муус устар ыйыгар өрөспүүбүлүкэ олохтооҕо дьахтар «Хатас» ТХПК туһаайыытынан икки сир уһаайбатын атыыласпыт.

Бу сирэ  чааһынай дьиэни  туттууга  (ИЖС) көҥүллээх эбит. Ол эрээри дьахтар туһааннаах учаастактары атыылаһан баран билбитэ, уһаайбалар иккиэн «ГРС-2 Хатассы» диэн магистральнай гаас ааһар зонатыгар бааллар эбит.  Онон туһааннаах учаастактары тус сыалга туһаныы бобуулаах буолан биэрбит.

Атыыласпыт дьахтар ЕГРН выписка докумуонун киниэхэ атыылааччы киһи тиксэрбитин, ол докумуоҥҥа ханнык да хааччах суоҕун туһунан эппит. Суобаһа суох атыыһыт атыылаһааччы дьахтарга дуогабар түһэрсэригэр хааччахтааһын туһунан иһитиннэрбэтэх. Бу туһунан СӨ холбоһуктаах сууттарын пресс-сулууспата иһитиннэрдэ.