Хатаска быстах хомуур боппуруостарынан волонтер киинэ тэрилиннэ

     Хатас нэһилиэгэр быстах хомуур  боппуруостарынан волонтер киинэ тэрилиннэ. Киини хомуурга хабыллыбыт уолаттар ийэлэрэ, кэргэттэрэ Хатас дьаһалтатын өйөбүлүнэн тэрийдилэр.

Быстах хомуур боппуруостарыгар нэһилиэнньэҕэ Хатас дьаһалтатын  социальнай боппуруостарга исписэлииһэ хоруйдуур. Интэриэһиргиир ыйытыыларгытын 409-237 нүөмэргэ эрийэн билсиэххитин сөп.

Ону сэргэ, Хатастан хомуурга ыҥырыллыбыттар таҥастарыгар-саптарыгар уонна күннээҕи наадаларыгар харчынан көмөнү хомуйуу ыытыллар.

Хомуурга ыҥырыллыбыттар дьиэ кэргэттэригэр психологтар өҥөлөрүнэн  8-800-100-3550  нүөмэргэ эрийэн туһаныахха сөп. Интэриэһиргиир ыйыыталаргытын «Объясняем.рф» биэриэххэ эмиэ сөп.