Хатаска култуура нэһилиэстибэтин үйэтитиэхтэрэ

Хатастааҕы «Тускул» КК нэһилиэнньэни кытта үлэни төгүрүк сыл тохтообокко ыытар.

Сайыҥҥы кэм сайаҕас күннэригэр таһырдьа салгыҥҥа сылдьан алтыһар сыаллаах-соруктаах дьону сэргэхситэр, уруккуну умнубакка, ааспыты анаарар аналлаах култуура нэһилиэстибэтин үйэтитэргэ туһуламмыт истиэндэлэрдээх былаһаакка оҥорорго ылыста.

Бу үлэ туһугар сылын ахсын ууга барар бырыылаах сири куурдан, сирин-уотун тэҥниир үлэни ыытан,  олорон эрэ сэһэргэһэр, кэнсиэр көрөн сэргэхсийэр, анал тутуулаах   былаһаакка буолара  былааннанар. Бу көҕүлээһини нэһилиэнньэ биһирии көрүстэ. Көмөлөһүөхпүт диэччилэр эмиэ бааллара санааны көтөҕөр.

Н.Руфова, Хатас