Хатаска сылгыны саанан ыттылар

Бүгүн, муус устар 11 күнүгэр, Дьокуускай куорат таһынааҕы Хатас нэһилиэгэр төбөтүгэр улахан эчэйиилээх сылгы өлөөрү сытарын булбуттар. Сылгыны хаһаайыттара кэлэн ылбыттар.

Омос көрүүгэ, сылгыны ыттар хадьырыйбыттар курдук эрээри, оннук буолбатах эбит диэн «КП-Якутия» саайт суруйар.

Биллибитинэн, сылгыны төбөҕө саанан ыппыттар. Ол эрээри туохха эрэ мэһэйдэтэн сатаан салгыы харайбатахтар. Быһылаан буолбут сиригэр полиция үлэһиттэрэ кэлбиттэр.

Бэлиэтээн суруйдахха, бэйдиэ сылдьар сылгылар куорат иһигэр да, таһыгар да элбэхтэр. Хаһаайыттар иитэр кыылгыт иннигэр эппиэтинэһи сүгэргитин умнумаҥ.