Хатаска тутуллар успуорт комплекса алтынньыга бэлэм буолуохтаах

Хатаска тутулла турар 400 миэстэлээх успуорт комплексын тутуута хайдах бара турарын билсэ, от ыйын 4 күнүгэр Ил Дархан Айсен Николаев тиийэ сырытта.

Саҥа комплекс иһигэр 400 миэстэлээх сааланы кытта икки дьоҕус саала үлэлиэҕэ — боксаҕа дьарыктыыр уонна эрчиллэр хостор. Ону таһынан, эбийиэк территориятыгар аһаҕас стадион баар буолуоҕа. 

Эбийиэккэ 27 киһи үлэлиир. Тутааччылар этэллэринэн комплекс бэлэмэ 82% тэҥнэһэр. Билигин тутуу сүрүн үлэлэрэ эркиннэри, хостору ситэрии уонна канализация ситимин тардааһын буолаллар.

«Главстрой» МКУ дириэктэрэ Алексей Варламов этэринэн, үлэ кэмигэр баран иһэр. Тутуу бу сыл сэтинньи ыйын бүтэһик күннэригэр туттарыллыахтаах.

Бэрэбиэркэ түмүгэр Айсен Николаев үлэһиттэри тутуу тэтимин намтаппакка ыытарга соруйда.