Хаартыска: Ааптар тиксэриитэ
Саха сахатынан кэрэ. Төрүт ас, төрүт амтан киһиэхэ куруутун күндү, сылаас, сырдык өйдөбүл. Дэлэҕэ даҕаны амтанныын, сыттыын- сымардыын сылаанньытта, сүрэхпин өрүкүттэ диэхтэрэ дуо?!
Ордук чуолаан дойдугуттан ыраах сылдьан ахтылҕаны таһаарарга, дууһаҕа баар туоххаһыйыы кылын кыйдыырга эккэ-хааҥҥа төһөлөөх күүһү-уоҕу, уйулҕа туругар бэйэҕэ эрэли, бар дьоҥҥо махталы биэрэрэ мөккүөрэ суох.
Маннык үтүө санаанан салайтаран, саха төрүт аһын аныгы технологиянан уһун кэмҥэ болдьохтоох, айаныгар төһө кыалларынан кыра миэстэни ылар уонна алдьаммат гына оҥорон бэлэмнииргэ Н.Е.уонна П.Н.Самсоновтар ааттарынан Хатас орто оскуолатын (дириэктэр Николай Слепцов) иһинэн үлэлиир Агрокуб диэн дьоҕус тэрилтэ ыкса ылсан үлэлиир. Бу үлэ араас түһүмэҕэр бүтүн кэлэктиип барыта кыттар. Инньэ гынан, анал араас эгэлгэ агрегаттары атыылаһан аныгы технологияны туһанан, балыгы, сылгы этин куурдан, хатаран тушёнка, балык миинэ (уха) оҥорон анал хааларга уган, анал байыаннай эпэрээссийэҕэ сылдьар биир дойдулаахтарбытыгар ыыталлар. Санаан да көрдөххө, ыстакааҥҥа итии ууга буккуйааккын кытта оҕо эрдэҕиттэн билэр, күндүргэтэр сыта дыргыйдаҕына төһөлөөх үчүгэй буолуой?
Наталья РУФОВА
Дьокуускайга полиция 3 отделын дьуһуурунай чааһыгар эт-хаан эчэйиитин ылбыт Кангаласс олохтооҕо дьахтартан сайабылыанньа киирбит. Ол…
Бүтүн Арассыыйатааҕы байыаннай-тактическай «Путь воина» күрэхтэһии икки полуфиналын түмүгүнэн Саха сирин уонна Тюмень уобалаһын «ВОИН»…
Дьокуускайга 35 саастаах дьахтар үлэлиир тэрилтэтиттэн 2,7 мөлүйүөн солкуобайы уоран, холуобунай дьыала тэрилиннэ. ИДьМ Силиэстийэлиир…
Уһун, тымныы кыһыннаах, тыйыс айылҕалаах хоту дойдуга олорор буоланнар, өбүгэлэрбит барахсаттар күөх сайын уунар уйгутуттан…
Бүгүн, балаҕан ыйын 18 күнүгэр, Үөһээ Бүлүүгэ үлэ сырыытынан Ил Дархан Айсен Николаев уонна СӨ…
Алтынньы 3-5 күннэригэр Дьокуускайга "Сулус" полигоҥҥа Сэбиэскэй Сойуус Дьоруойа Федор Охлопков аатынан "Бойобуой снайпинг" дьиссипилиинэҕэ…