Хаартыска: Экология министиэристибэтэ
Кыыл ахсаанын учуоттуур Экология министиэристибэтин «фотоловушката» Хатас сэлиэнньэтин таһыгар Өлүөнэ өрүһү киртитиитэ тахсыбытын бэлиэтээтэ. Ассенизатор массыына кирдээх убаҕас бытовой тобоҕу тоҕон, 500 кв.м. иэннээх сиргэ тарҕанна.
«Түүн олунньу 2-3 күннэригэр Туймаада хочотугар кыыллар оннуларыгар, биһиги «фотоловушкаларбыт» КАМАЗ мааркалаах ассенизатор массыына суоппарын таба тутан түһэрбит. Видеоҕа көстөрүнэн, Өлүөнэ өрүс кытылыгар суоппар убаҕас бытовой тобоҕу тоҕор. Айылҕа харыстабылын министиэристибэтин сокуонун кэһиитэ тахсыбыта бэлиэтэннэ», – диэн Экология министиэристибэтигэр кэпсээтилэр.
Бэнидиэнньиккэ, олунньу 3 күнүгэр, экология иниспиэктэрдэрэ уонна Хатас сэлиэнньэтин дьаһалтатын үлэһиттэрэ быһылаан тахсыбыт миэстэтигэр таҕыстылар. Аппаҕа 500 кв.м. иэннээх сиргэ убаҕас бытовой тобох тоҕуллан тарҕаммыт, Өлүөнэ өрүс уутун көмүскүүр зонатын сирэ уонна мууһа киртийбит. Муус уонна буор боруобата эспэртииһэҕэ бэрилиннэ.
«Өлүөнэ өрүс федеральнай судаарыстыбаннай экологическай хонтуруолга бэриллибитэ, онон чинчийии матырыйааллара Росприроднадзор управлениетыгар тиэрдилиннэ. Буруйдааҕы эппиэтинэскэ тардыыга, тулалыыр эйгэни ыраастыырга уонна хоромньу сууматын төлүүргэ үлэлэр ыытыллыахтара», – диэн биэдэмистибэҕэ кэпсээтилэр.
Хомуллубут матырыйааллар холуобунай буруй бэлиэлэрэ баарын быһаарарга федеральнай ааҕыныстыба Илиҥҥи Сибиирдээҕи территориальнай управлениетыгар, ону тэҥэ Саха сирин Айылҕа харыстабылын борокуратууратыгар уонна ИДьМ сулууспатыгар бэрилиннилэр.
Үүнэр сылтан саҥа дьиэ кэргэн төлөбүрүн биэрэр буолуохтара. Бу төлөбүрү норуокка “төрөппүт 13-с хамнаһа” диэн…
Бүгүн Ил Дархан Айсен Николаев суруналыыстары кытары көрсүһэригэр эрэгийиэн сүрүн салааларыгар идэтийбит каадырдар тиийбэттэрин эттэ.…
Былырыын олунньуга Онкология өрөспүүбүлүкэтээҕи диспансерын саҥа дьиэтэ үлэҕэ киллэриллэн, өрөспүүбүлүкэ олохтоохторо уодаһыннаах ыарыыны сэрэтэргэ уонна…
Бүгүн Дьокуускайга буолбут пресс-кэмпириэнсийэҕэ «Саха» национальнай көрдөрөр-иһитиннэрэр хампаанньа генеральнай дириэктэрэ Олег Марков «Саха» НКИИХ биллиилээх…
Ахсынньы 18 күнүгэр Мэҥэ Хаҥалас улууһун И.М. Сосин аатынан Майатааҕы киин бибилэтиэкэ ааҕар саалатыгар бэйиэт,…
Жатай полициятыгар олохтоох дьахтар төлөпүөннээн, кини массыынатын иһигэр итирик туруктаах билбэт киһитэ олорорун, тахсыан баҕарбатын…