Хатастар кикбоксиҥҥа бастыырга эрэллээхтэр

«Азия оҕолоро» VIII норуоттар икки ардыларынааҕы спортивнай оонньууларга кыттар Саха сирин сүүмэрдэммит икки хамаандатын кытта көрсөрүгэр Ил Дархан Айсен Николаев суолталаах тэрээһин үрдүк таһымҥа ааһарыгар, кэрэхсэбиллээх, чаҕылхай спортивнай күрэхтэһиилэр буолалларыгар эрэнэрин бэлиэтээбитэ.

Эдэр спортсменнар Ил Дарханы кытта көрсөн баран, хаартыскаҕа түһэ туралларыгар түбэстим.

Тириэньэрдэриттэн кылгастык хантан сылдьалларын, ханнык көрүҥҥэ кытталларын ыйыталастым.

От ыйын 2 күнүгэр «Сулус» успуорт комплекска Хатас уолаттара кикбоксинг көрүҥҥэ күрэхтэһиэхтэрэ. Уолаттарбытыгар кыайыыны, ситиһиини баҕарабыт!