Хаартыска: Степан Саргыдаев ТГ-ханаалыттан.
Бу күннэргэ илин эҥэр улуустарын нэһилиэктэригэр Олоҥхоҕо анаммыт ыһыахтар буола тураллар.
Чурапчы улууһун Хатылы нэһилиэгиттэн төрүттээх биллэр олоҥхоһуттар Ульяна Платонова-Уус Ылдьаана — 180, Алексей Кривошапкин-Нуора Өлөксөй — 155, Михаил Белых-Мэхээчэ — 145, Григорий Устинов-Ноҕойоон уола 125 сылларыгар анаммыт V Олоҥхо ыһыаҕар улуус дьоно-сэргэтэ, ыалдьыттара тоҕуорустулар.
Улуус үс олоҥхоһута Юрий Толстоухов, Гаврил Лыткин, Петр Дьяконов түһүлгэҕэ дэйбиирдэринэн сапсынан киирдилэр. Олоҥхо ыһыаҕын дьүһүйүү туруоруута олоҥхонон кэпсэннэ.
Улуус баһылыга Степан Саргыдаев бэйэтин телеграм-ханаалыгар ыһыах биир ураты түгэниттэн «Ай»устуудьуйа исписэлииһэ Айылгы Пинигина суруйуутун билиһиннэрдэ:
“Арҕаа Кэлээх алааһыгар күөрт күпсүйэр, балта тыаһа баллырдыыр . Бүгүн Хатылы нэһилиэгэр улуустааҕы Олоҥхо ыһыаҕа үгэннээн ыытылла турар. Тимир, көмүс ууһа Ульяна Ефимовна Платонова-Уус Ылдьаана 180 сааһынан ыһыахтыыр алаас арҕаа эҥээригэр тимир уустарын икки ардыларыгар саха хотуурун охсорго күөн-күрэс сарсыардаттан саҕаламмыта. Күрэҕи иилээн-саҕалаан ыыта сылдьар СӨ норуот уус-уран оҥоһуктарын маастара, Хатылы ууһа Вячеслав Барашков. Суон саалынан мохсуо бырахсар, халыҥ хаһанан хаччы охсунар түһүлгэлээн аһылык кэннэ күрэхтэһээччилэр охсубут хотуурдарын тургутан, хадьымал түһэрэн сахалыы сиэринэн орой үрдүнэн эргитэн аҕалан охсон көрдөрүөхтэрэ. Күрэххэ Уус-Алдантан Афанасий Шепелев, Егор Колодезников, Александр Катакинов, Чурапчыттан Дмитрий Барашков, оскуола оҕото Эрсан Макаров кыттан, үлэлии-хамныы сылдьаллар.
Төрүт үгэһи төлкөлүүр, өбүгэ дьарыгын сөргүтэн көрдөрөр бастакытын ыытыллар сонун күрэһи дьон-сэргэ сонурҕаан уустар аттыларыттан арахпатылар. “Тыа хаһаайыстыбатынан дьарыктанар улуус буоларбыт быһыытынан, бу күрэһи инникитин үгэскэ кубулутан ыытарга” диэн улууспут баһылыга Степан Саргыдаев сыал-сорук туруорда уонна бэйэтинэн кытара кыыспыт тимири эллээн көрдө, уустары кытта санаа атастаста”.
Онон Чурапчыга Хатылыга ыытыллыбыт Олоҥхо ыһыаҕын бастакы сонун күрэһэ — саха хотуурун охсуу үгэскэ кубулуйуоҕа.
Сиһилии билсэр сигэ: https://t.me/sargydaevstepan/8037?single
Саха сирэ ыраахтан кэлэр туристары бэйэтин ураты, киһи атаҕа тиийбэтэх кэрэ айылҕатынан умсугутар. Швейцарияттан кэлбит…
Тулагы-Киллэмҥэ Арассыыйаҕа Норуоттар сомоҕолоһууларын, Саха сиригэр Култуура, нэһилиэкпитигэр Сомоҕолоһуу сыллара биллэриллибиттэрин арыйар үөрүүлээх тэрээһин өрө…
Олунньу 7 күнүгэр "Чурапчы" айар түмсүү салайааччыта Римма Иннокентьевна Корякина-Хотууна уонна кини кыыһа Сардаана Корякина-Сардаана…
ИДьМ Дьокуускайдааҕы управлениетын наркотик эргиирин хонтуруоллуур отделын үлэһиттэрэ эрэгийиэннэр икки ардыларынааҕы наркокурьер үлэтин тохтоттулар. Суһал-көрдүүр…
Саха сирэ сааскы халааны этэҥҥэ аһарарга анаан күүстээх бэлэмнэнии үлэтин саҕалаата. Туох үлэлэр ыытыллалларын туһунан…
Нерюнгри оройуонун Золотинка бөһүөлэгэр Ил Дархан Айсен Николаев бүгүн, олунньу 10 күнүгэр, Арассыыйа Дьоруойа, Хотугу…