Хаартыска sakha.gov.ru ылылынна
Алтынньы 10 күнүгэр Петербурдааҕы норуоттар икки ардыларынааҕы гаас пуорумун былаһааккатыгар Арассыыйа эрэгийиэннэригэр гааһы үөрүүлээх быһыыга-майгыга ыыттылар. Саха сиригэр Чурапчы оройуонун Хатылы сэлиэнньэтигэр элбэх оҕолоох Геннадий уонна Марина Кривошапкиннар дьиэлэригэр гаас киирдэ.
Атырдьах ыйыгар Хатылыга 13,1 км уһуннаах бөһүөлэк иһинээҕи гаас ситимин үһүс түһүмэҕин тутуу түмүктэммитэ.
«Сэлиэнньэҕэ 160 тахса ыал холбонор кыахтаммыта.Олохтоохтор ыра санаалара дойду Бэрэсидьиэнэ Владимир Путин биллэрбит догазификация бырагырааматынан , «Газпром» уонна «Сахатранснефтегаз» хампаанньалар үлэлэрин түмүгэр ситиһилиннэ»,— диэтэ Саха сирин баһылыга Айсен Николаев.
Гааһы ыытыы сиэригэр-туомугар Саха сирин премьер-миниистирэ Кирилл Бычков кытынна.
«Хатылыга 700 тахса киһи олорор. Ол эрээри соторутааҕыга диэри гааска холбонор кыахтара суоҕа. Ол эрээри РФ Бэрэсидьиэнин догазификация бырагырааматынан кыалынна. Бүгүн олохтоохтор гаас киирэн, үөрүүлэрэ муҥура суох»,— диэн бэлиэтээтэ Кирилл Бычков.
Сэттэ оҕолоох ыал аҕата Геннадий Кривошапкин эмиэ үөрүүтүн үллэһиннэ. Бу ыалга учаастагын кыраныыссатыгар диэри гааһы босхо тардыбыттара.
» Биһиги 2014 сыллаахха саҥа дьиэ туттубуппут. Соторутааҕыта өрөспүүбүлүкэттэн социальнай субсидия көмөтүнэн гааска холбоммуппут. Аһылыкпытын эмиэ гааска астыыбыт. Дойду , өрөспүүбүлүкэ, оройуон, сэлиэнньэ салалталарыгар уонна гаас үлэһиттэригэр махтанабыт», — диэтэ Геннадий Кривошапкин.
Бу тэрээһин 2021-2025 сылларга Арассыыйа Федерациятын субъектарын гаастааһын уонна гааһынан хааччыйыыны сайыннарыы бырагыраамаларын толоруу чэрчитинэн ыытылынна.
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата
Александр Бастрыкин Светлай бөһүөлэгэр бэйдиэ сылдьар ыттар үөрдэрэ саастарын ситэ илик оҕолорго саба түспүт чахчытынан…
Норуоттар сомоҕолоһууларын күнүгэр «Норуот уонна аармыйа — биир сомоҕо» фашизмы утары өрөспүүбүлүкэтээҕи III пуорум чэрчитинэн,…
Бүгүн, сэтинньи 4 күнүгэр, СӨ Бырабыыталыстыбатын бэрэссэдээтэлэ Кирилл Бычков Норуот сомоҕолоһуутун күнүгэр анаммыт «Доҕордоһууну, Эйэни,…
Норуот сомоҕолоһуутун күнүгэр Дьокуускайга автопробег ыытылынна. Бу туһунан Дьокуускай куорат дьаһалтатын пресс-сулууспата иһитиннэрэр. Массыына холуонната…
Байанай ыйа саҕаланар биир күнүгэр Клара Андреевна уонна Никандр Прокопьевич Тимофеевтарга улуу олоҥхону дьоһуннаан олорон…
РФ Силиэстийэлиир кэмитиэтэ Саха сиригэр Алдан куоракка саахалланар туруктаах дьиэ олохтоохторун өр кэмҥэ көһөрбөтөх чахчытынан…