Хаартыска уонна видео -- Елена Потоцкая.
Нам улууһун Хатырык нэһилиэгин олохтоохторо быстах олорор пууҥҥа — орто оскуолаҕа билигин да олороллор.
Кинилэр уу түһээтин кытта сарсыардаттан дьиэлэрин тиийэн хомуйаллар эбит. Күнү быһа ыраастыыллар, таҥастарын куурдаллар, күнүс кэлэн оскуолаҕа итии аһылыгынан үссэнэн баран, эмиэ дьиэлэригэр тиэтэйэллэр.
Хатырык нэһилиэгин олохтооҕо Алексей Соловьев кыыһын кытта оскуолаҕа эбиэттии сырыттаҕына көрсөн кэпсэттим. Алексей Прокопьевич 17 чыыһылаттан куоракка харах балыыһатыгар хараҕын көрдөрө сылдьыбыт эбит. Уу кэлэр күнүгэр улуус киинигэр кэлэн Хатырыгар бараары гыммыт да, көлө булбатах. Ыксаан киин куораттан кыыһын уонна күтүөтүн ыҥырбыт. Хата, оҕолоро прокаттан эрэһиинэ оҥочо уларсан кэлбит буолан, киэһэриитэ массыыналарын аара хаалларан баран, Хатырыктарыгар оҥочонон устан тиийбиттэр. Алексей Прокопьевич маннык кэпсиир:
— Дьиэбин таһыттан хатаан барбыт буолан, санаам наар докумуоннарбар этэ. Уу кэлиэ диэм дуо, ыскаап иккис долбууругар чугастыы диэн, докумуоннарбын уурар этим. Саамай куттанарым — дьиэм докумуона сүтүө диэн. Күтүөппүнээн бөх-сыыс быыһынан нэһиилэ дьиэбитигэр устан тиийдибит. Уолум хонноҕун аннынан ууга киирэн, докумуоммун кыл-мүччү быыһаан ылбыта. Уу ыскаап иккис долбууругар тиийэн эрэр эбит…
Салгыы Алексей Прокопьевичтыын маннык кэпсэттибит:
Хатырык нэһилиэгин ытык кырдьаҕаһа быстах олорор пууҥҥа — оскуолаҕа кэлэн хоммутун, күнүн хайдах атаарбытын маннык кэпсиир:
Алексей Прокопьевич быйыл сайыны быһа дьиэтин өрөмүөннүүр былааннаах. Толору хааччыллыылаах дьиэтиттэн аҕыйах чаас иһигэр илиитин соттон хаалбыт…
Бүгүн Дьокуускайга «Патриот» ыччат киинин үөрүүлээх аһыллыыта буолан ааста. Бу аныгы кэм ыччатын сайдар, үүнэр,…
Бүгүн Саха сиригэр бастакы Уһук Илиҥҥэ биир бөдөҥ элбэх функциялаах «Патриот» ыччат киинэ үөрүүлээх быһыыга-майгыга…
Бүгүн Саха сиригэр бастакы элбэх функциялаах «Патриот» ыччат киинэ аһылынна. Бу киин Уһук Илиҥҥэ биир…
СӨ Бырабыыталыстыбатын Бэрэссэдээтэлин бастакы солбуйааччы Дмитрий Садовников ыксаллаах быһыыга-майыга түбэспит дьону көрдүүр-быыһыыр үлэлэр статистикаларын туһунан…
Норуодунай фронт эрэгийиэннээҕи салаатын үлэһитэ Дмитрий Паньков этэринэн, Арассыыйа Бэрэсидьиэнэ ыыппыт быһа кэпсэтиитигэр Саха сириттэн…
Өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III Сийиэһэ ахсынньы 17 күнүгэр саҕаланар. III Сийиэс бырагыраамата…