Хатырыкка корнхолга күрэхтэстилэр

Саха сирин корнхолга муҥутуур кыайыылааҕа, успуорт  үтүөлээх бэтэрээнэ Прокопий  Петухов Нам улууһун Хатырык нэһилиэгэр маастар-кылаас ыытта. Тэрээһин чэрчитинэн аһаҕас турнир үрдүк таһымнаахтык ыытылынна диэн улуустааҕы успуорт управлениета иһитиннэрдэ.

Прокопий Прокопьевич Петухов  корнхолга үөрэтэн, баай уопутун дьоҥҥо-сэргэҕэ тарҕатта.  Бу кэнниттэн аһаҕас турнир үрдүк таһымнаахтык ааһан,   уопсайа 41 спортсмен, ол иһигэр 31 эр киһи,  10 дьахтар көхтөөх кытыннылар.

Түмүккэ, эр дьоҥҥо бастакы миэстэни Намтан  Колосов Николай Егорович (Нам с.) — 46 (20+10+16); иккиһи Корякин Владислав Яковлевич (Нам с.) — 39 (11+14+14); үсүһү Павлов Роман Александрович  (Нам с. ) 39 (15+9+15) ыллылар.

Дьахталларга бастакы —  Корчанова Евдокия (Хатыҥ Арыы) — 33 (9+16+8); иккис —  Петухова Лена (Нам с.) 32 (10+6+16); үһүс  —  Сивцева Лена Николаевна (Хатырык) — 32 (9+16+7) буоллулар.

Анал бириистэри, ол иһигэр  «Саамай аҕам саастаах» анал ааты  эр дьоҥҥо — Мухин Д.З. (Хатырык);
дьахталларга  Ядрихинская И. Г. (Маймаҕа),  “Саамай эдэр кыттаачы» ааты Ноговицын Робертка (Хатырык) туттардылар диэн улуус дьаһалтатын пресс-сулууспата иһитиннэрдэ.

Күрэх муҥутуур кыайыылаахтара:
Эр дьоҥҥо:
1 м. —  Павлов П.А. (Хатырык);
2 м. — Колосов Н. Е. (Нам с.);
3 м. —  Корякин В.Н. (Нам с.).
 
Дьахталларга:
1 м. —  Петухова Л. Н. (Нам с.);
2 м.  — Сивцева Л. (Хатырык);
3 м. — Корчанова Е. (Хатыҥ Арыы).