Хаартыска: Андрей Сорокин, СИА
Норуот дьокутааттара халаан уутун содулларын туоратыыга уонна эмсэҕэлээбиттэри өйөөһүҥҥэ көмөнү салгыы оҥороллор.
Нам улууһун олохтоохторугар ыам ыйын 19-22 күннэригэр норуот дьокутааттара уопсайа 6631,5 кг ыйааһыннаах матырыйаалынай көмөнү хомуйууну тэрийдилэр. Ону таһынан ыам ыйын 16-22 күннэригэр Өлүөхүмэ улууһун олохтоохторугар 7131,3 кг ыйааһыннаах матырыйаалынай көмөнү хомуйан ыыттылар диэн Ил Түмэн пресс-сулууспата иһитиннэрэр.
Ньурба улууһугар халаан уутуттан эмсэҕэлээбиттэргэ норуот дьокутааттара Владимир Прокопьев уонна Георгий Балакшин матырыйаалынай көмөнү хомуйууну тэрийдилэр.
Ыам ыйын 22 күнүгэр Арассыыйа Дьоруойа, норуот дьокутаата Александр Колесов Нам улууһун дьаһалтатыгар 10-тан тахса ититэр пушкалары, мотопомпалары туттарда.
Санаттахха, ыам ыйын 22 күнүгэр халаан уутуттан 11 нэһилиэк босхоломмута. Бу күннэргэ Хатырык уонна Маймаҕа икки ардыларыгар айан-суол сырыытын чөлүгэр түһэриигэ үлэ ыытыллар.
Сабаҕалааһынынан Нам улууһугар халаан уутуттан эмсэҕэлээбиттэр ахсааннара 3 тыһ. тахса буолла. Кинилэр «Госуслуги» портал нөҥүө сайабылыанньа биэрэллэрэ наадалаах. Былаас уорганнара миэстэтигэр методическай уонна консультационнай көмөнү оҥороллор. Оттон интэриниэтэ суох сытар нэһилиэктэргэ докумуоннары сирэй туталлар.
Билиҥҥи туругунан Өлүөхүмэ улууһугар чөлүгэр түһэрэр үлэлэр ыытыллаллар. Ил Дархан Айсен Николаев иһитиннэриитинэн, олорор дьиэлэр туруктарын сыаналыырга оробуочай бөлөх тэриллэн көттө. Айсен Николаев суһаллык ыксаллаах быһыыга-майгы боппуруостарын быһаарыыга уонна халаан содулларын туоратыыга оробуочай бөлөхтөрү тэрийэргэ сорудахтаата.
Ил Дархан уонна Бырабыыталыстыба пресс-сулууспата иһитиннэринэн, Өлүөнэ өрүс халааннаан, ол содулуттан Өлүөхүмэ улууһугар 500-тэн тахса киһи эмсэҕэлээбит.
Ыам ыйын 24 күнүгэр норуот дьокутааттара Нам улууһугар Хатырыкка чөлүгэр түһэриигэ субуотунньукка тахсыахтара. Субуотунньукка халаан уутун кэнниттэн учаастактары хомуйуу тэриллиэҕэ.
Ыам ыйын 20 күнүттэн Саха сиригэр сорох улуустарынан эрэгийиэннээҕи ыксаллаах быһыы-майгы эрэсиимэ биллэриллибитэ. Туһааннаах ыйаахха Айсен Николаев илии баттаабыта.
Балаҕан ыйын 18-21 күннэригэр Дьокуускайга Преображенскай собуорга Сибэтиэй Боҕоруодьусса курун сорҕото аҕалыллан, дьоҥҥо көрдөрүүгэ туруоҕа.…
Бүгүн сарсыарда саайпытыгар Дьокуускай куоракка Сайсары күөлгэ 2000 с.т. эр киһи тимирбитин туһунан иһитиннэрбиппит. Күөл…
Балаҕан ыйын 26-28 күннэригэр Саха сиригэр аан бастаан Бүтүн Арассыыйатааҕы үҥкүү спордун күрэхтэһиитэ буолуоҕа, онно…
2025 сылга Саха сиригэр биэс муоста тутуллан бүтэрэ былааннанар. Бу туһунан тырааныспар уонна суол хаһаайыстыбатын…
Өлүөхүмэ куорат баһылыга Сергей Щебляков бэйэтэ баҕа өттүнэн астаапкаҕа барда. Бу туһунан "Өлүөхүмэ" оройуоннааҕы хаһыат …
Ыйытыы: РФ Үлэ кодексын 128 ыстатыйатынан көрүллүбүт, хамнаһа суох уоппуска хайдах бэриллэрий? Үлэни биэрээччи үлэһит…