Хаартыска sakha.gov.ru ылылынна.
Бырабыыталыстыба отчуотугар Хатыстыыр олохтоохторо сири-уоту сайыннарыы, тупсарыы боппуруостарын дьүүллэстилэр.
Алдан оройуонугар Хатыстыырга СӨ Бырабыыталыстыбатын отчуота буола турар. СӨ Бырабыыталыстыбатын Бэрэссэдээтэлэ Кирилл Бычков салайар бөлөҕүн кытта көрсүһүүгэ олохтоохтор сири-уоту тупсарыы, сайыннарыы, олох хаачыстыбатын үрдэтии тирээн турар боппуруостарын дьүүллэстилэр.
Отчуот иитинэн Хатыстыырга тиэрдэр муоста чөлүгэр түһэриллибитэ, гаас уонна инженернэй ситимнэри киллэрии үлэтэ салҕанан бара турара бэлиэтэннэ. 2028-2029 сс. сэлиэнньэни гаастааһын саҕаланара былааннанар. Ону сэргэ, Угояҥҥа Бырабыыталыстыба Бэрэссэдээтэлин сорудаҕынан аныгы модульнай хочуолунай үлэҕэ киирбитэ этилиннэ.
—Бу дьон-сэргэ өр күүппүт боппуруоһун быһаарыллыыта. Биһиги сыалбыт-сорукпут — маннык эбийиэктэр кэмигэр киирэллэригэр уонна туруктаахтык үлэлииллэрэ буолар. Оччоҕуна дьон-сэргэ олоҕор табыгастаах усулуобуйа хааччыллар, — диир Кирилл Бычков.
Кэпсэтиигэ үөрэх уонна доруобуйа харыстабылын эйгэтигэр каадырынан хааччыллыыга болҕомто уурулунна. Кирилл Бычков бу хайысхаҕа федеральнай бырагыраамалары «Земский доктор» уонна «Земский учитель» туһанар наадатын эттэ.
—Исписэлиистэрэ суох сэлиэнньэни сайыннарар кыаллыбат. Биһиги эдэр исписэлиистэр кэлэн үлэлииллэригэр, миэстэлэригэр үлэлии хаалалларыгар бары кыһамньыбытын ууруохпут, — диэтэ .
Отчуот кэмигэр экология, тырааныспар уонна социальнай эйгэ боппуруостара эмиэ көрүлүннүлэр. Ааспыт сылга экологическай мониторинг чэрчитинэн 300 кэриҥэ боруоба ылыллыбыт, ол түмүгүнэн сир баайын туһанааччылар 21 мөл.солк. ыстарааптаммыттара бэлиэтэннэ. Маны таһынан, Хатыстыыр олохтоохторо Хотугу аҕыйах ахсааннаах төрүт олохтоох норуоттар сайдыыларыгар сыһыаннаах боппуруостары көтөхтүлэр. Оройуоҥҥа КМНС сайыннарыыга быһаарыылары оҥорорго төгүрүк остуолу тэрийэри көҕүлээһин туһунан этилиннэ.
—Төрүт олохтоох норуоттары өйүүргэ сыһыаннаах этиилэр аһаҕастык уонна олохтоохтор бэйэлэрэ кыттыһан кэпсэтиэхтээхтэр. Үлэ маннык киэбинэн ыытылларын өйүөхпүт, — диэтэ Кирилл Бычков. Маны таһынан, олохтоохтор айан суолун хапытаалынай өрөмүөнүн, интэриниэт, сибээс хаачыстыбатын кыһалҕаларын таарыйдылар. Маныаха Хатыстыырга уонна Угояҥҥа ВОЛС уонна 4G үлэҕэ киирэрэ былааннаммыта бэлиэтэннэ.
Көрсүһүүнү түмүктүүрүгэр Кирилл Бычков хатыстыыр олохтоохторугар кэпсэтиигэ көхтөөх кыттыыларын уонна дириҥ ис хоһоонноох сэһэргэһии тахсыбытын иһин махтанна.
—Аһаҕастык кэпсэппиккит иһин уонна чопчу этиилэргит иһин махтанабын. Көтөҕүллүбүт боппуруостар инники үлэҕэ, Хатыстыыры сайыннарыыга, дьон олоҕун хаачыстыбатын тупсарыы үлэтигэр учуоттаныахтара, — диэтэ.
СӨ Бырабыыталыстыбатын чилиэннэрэ өрөспүүбүлүкэ олохтоохторун кытта тус алтыһыылара, тыа сирдэригэр тиийэн миэстэтигэр дьону-сэргэни кытта кинилэри долгутар боппуруостары дьүүллэһэллэрэ суолталааҕын Ил Дархан Айсен Николаев тоһоҕолоон бэлиэтээбитэ.
Сиһилии: https://www.sakha.gov.ru/news/22491
СӨ Ил Дарханын уонна Бырабыыталыстыбатын пресс-сулууспата
Ньурба техникумугар устудьуоннары уонна үлэһиттэри ыксаллаах түгэннэргэ бэлэмниир, баһаартан сэрэтэр тэрээһиннэр ыытылыннылар диэн СӨ Судаарыстыбаннай…
Арассыыйа ИДьМ Мэҥэ Хаҥалас оройуонунааҕы полиция отделын дьуһуурунай чааһыгар олохтоох дьахтартан кыбартыыратыгар киирэр аанын алдьаппыттарын…
"Аҕа дойдуну көмүскээччилэр" пуонда Саха сиринээҕи филиалын кэлим көмөтүнэн, байыаннай дьайыы кыттыылааҕа, байыаннай дьайыылар бэтэрээннэрэ…
Бүгүн, олунньу 10 күнүгэр, Үөһээ Бүлүү улууһугар Саха Өрөспүүбүлүкэтин Бырабыыталыстыбатын 2025 сыллааҕы үлэтин отчуоттуур мунньаҕын…
Олунньу 12-16 күннэригэр Саха сирин киин куоратыгар Дьокуускайга аан бастаан художественнай гимнастикаҕа Уһук Илиҥҥи федеральнай…
Олунньуга социальнай көмө индексацияланарын туһанан, түөкүттэр дьону албынныыр саҥа ньыманы толкуйдаабыттар. Ол курдук, социальнай ситимнэргэ…