Хатыыһы көҥүлэ суох бултаан дьыалаҕа эрилиннилэр

СӨ Тырааныспарга борокуратуурата хатыыс балыгы сокуоннайа суох балыктаан ылбыттарынан холуобунай дьыаланы суут көрүүтүгэр ыытта.

СӨ Тырааныспарга борокуратуурата икки олохтооххо холуобунай дьыалатыгар буруйдуур быһаарыытын бигэргэттэ. Кинилэр Холуобунай Кодексынан ураты сыаналаах уу биологическай ресурсаларыгар сокуоннайа суох бултаабыттарынан буруйданаллар.

Силиэстийэ көрдөрөрүнэн, 2024 сыл балаҕан ыйыгар буруйдаахтар Бүлүү өрүскэ илиминэн туһанан балык ураты сыаналаах көрүҥүн — хатыыһы балыктаан ылбыттар.

Сокуоннайа суох бултааһын түмүгэр судаарыстыбаҕа 160 тыһ. солк. тахса суумалаах хоромньу оҥоһуллубут. Буруйданааччылар хоромньуну толору кээмэйинэн төлөөтүлэр. Холуобунай дьыала Бүлүү оройуоннааҕы суут көрүүтүгэр ыытылынна. Бу туһунан Илин-Сибирдээҕи тырааныспарга борокуратууратын пресс-сулууспата иһитиннэрэр.