Хаартыска. «Таатта» хаһыата
Бэс ыйын 20 күнүгэр Баһылай Манчаары төрөөбүт «Арыылаах» алааһыгар сарсыарда 10 чаастан ХХII төрүт успуорт көрүҥнэригэр Спартакиада уотун уматыахтара.
Манчаары оонньууларыгар бэлэмнэнии туһунан СӨ физическэй култуура уонна успуорт миниистирин бастакы солбуйааччы Гаврил Мохначевскай «Якутия24» телеханаалга «Актуальное интервью» биэриигэ кэпсээтэ.
«Эстафета маршрута Мэҥэ Хаҥалас улууһунан ааһар. Бэс ыйын 28 күнүгэр спартакиада уота Дьокуускайга — «Туймаада ыһыаҕар» кэлиэҕэ, салгыы Чурапчы улууһугар ааһыаҕа. Эстафета бөлөҕүн Дмитрий Горохов салайыаҕа. Кини 2005 сыллаахха Майаҕа ыытыллыбыт Манчаары оонньууларын, 2013 сыллаахха Чурапчыга, 2017 сыллаахха Үөһээ Бүлүүгэ, 2021 Бэрдьигэстээххэ ыытыллыбыт оонньуулар эстафеталарын уотун салайбыта. Бөлөххө алта спортсмен киириэҕэ. Эстафета сүрүн соруга — нэһилиэнньэҕэ Манчаары оонньууларын устуоруйатын билиһиннэрии, чөл олоҕу, уһун үйэлэниини көҕүлээһин, ону сэргэ Оонньуулары сырдатыыга аахсыйа буолар», — диэтэ.
Гаврил Мохначевскай сүрүн болҕомтону Ытык Күөлгэ тутуллан түмүктэнэн эрэр успуорт эбийиэктэригэр уурда. 3000 миэстэлээх «Дьулуруйар Ньургун Боотур» стадион тутуутун бэлэмэ бүгүҥҥү күҥҥэ 95% бүтэн турар. Футбуоллуур хонуу, тырыбыналар, күрүө-хаһаа, факел оҥоһуллубут. Онон стадион тулатын тупсарыыга үлэ ыытылла турар.
Алексей Турнин аатынан успуорт дыбарыаһа 96% бэлэм. «Саһыл уйалаах» диэн ипподром 94% бэлэм. Маны сэргэ, оонньууларынан ситимнээн 450 миэстэлээх уонна 100 миэстэлээх интэринээттээх оскуола тутуллан киирбитэ. Онон бу эбийиэккэ Манчаары оонньууларын тэрийээччилэрэ, судьуйалара түһүөхтэрэ.
Бу сылга Тааттаҕа ыытыллар Манчаары оонньууларыгар 7 тыһыынчаттан тахса киһи кыттара былааннанар. Онтон 1772 — спортсменнар, 300 — судьуйа, 200 — волонтер үлэлиэҕэ. Бырагыраамаҕа киирбитинэн 11 успуорт көрүҥэр күрэхтэһиэхтэрэ.
Бэс ыйын 17 күнүгэр Киин быыбардыыр хамыыһыйа иһитиннэрбитинэн, Өлөөн уонна Хаҥалас улуустарыгар баһылык быыбара буолара…
Telegram туһанааччыларга түөкүттэр саҥа албаһы булбуттар. Ол курдук түөкүн төрөөбүт күннээх кыыс буолан кубулуммут уонна…
Үөһээ Бүлүү улууһун салалтата өрөспүүбүлүкэтээҕи бырагыраамаларга өрүү ситиһиилээхтик кыттар. Бэҕэһээ, бэс ыйын 16 күнүгэр, анал…
Улуу Кыайыы 80 сылыгар анаан Горнай улууһун Бэрдьигэстээх ыччаттара ГТО нуорматын көрүҥнэригэр күүстэрин холоннулар. Саас…
Бэс ыйын 20, 21, 22 күннэригэр Саха тыйаатырыгар “Өтөх” испэктээк премьерата буолаары турар. Испэктээги туруоруу…
ИДьМ Дьокуускай куорат 1 №-дээх салаатын дьуһуурунай чааһыгар Дьокуускай олохтооҕуттан үҥсүү киирбит. Ол курдук дьахтары…