ХI Евразийскай симпозиум үлэтин саҕалаата

Share

Балаҕан ыйын 12 күнүттэн Дьокуускай куоракка академик В.П. Ларионов 85 сааһыгар аналлаах аһары тымныы килииммэккэ тимир матырыйааллар төһө тулуйумтуоларын боппуруоһугар ХI Евразийскай симпозиум саҕаланна.

Симпозиуму «Арассыыйа билимин академиятын Сибиирдээҕи салаатын Саха сиринээҕи научнай киинэ» Федеральнай чинчийэр киин, В.П. Ларионов аатынан Хотугу сир физико-тэхэньиичэскэй кыһалҕаларын института, Ньиэп уонна гаас кыһалҕаларын института тэрийдилэр. Научнай тэрээһини «Арассыыйа билимин академиятын Сибиирдээҕи салаатын Саха сиринээҕи научнай киинэ» Федеральнай чинчийэр киин генеральнай дириэктэрэ Михаил Петрович Лебедев аста.

Симпозиум кыттыылаахтарын видео сибээһинэн АНА Сибиирдээҕи салаатын бэрэссэдээтэлэ, академик Валентин Николаевич Пармон, АНА ХС академига Смирнов Леонид Андреевич, АНА ХС бэрэссэдээтэлин сүбэһитэ, ССРС Миниистирдэрин Сэбиэтин бириэмийэтин лауреата, физико-математическай билим дуоктара Сапожников Геннадий Алексеевич эҕэрдэлээтилэр.

Учуонайдар тыл этэллэригэр уһулуччулаах учуонай, симпозиуму тэрийээччи, идеяны көҕүлээччи академик Владимир Петрович Ларионовы ытыктыылларын биллэрдилэр.
Валентин Пармон бээйтин этиитигэр Владимир Ларионов аата аһары тымныы килииммэккэ тимир матырыйааллар төһө тулуйумтуоларын чинчийии эйгэтин кытары сибээстээх диэтэ. Владимир Петрович энтузиаст быһыытынан маннык ыраах сиргэ ураты эспэримиэннэри оҥорон билим түмүгүн ситиспитэ. Академик Ларионов уонна кини биир идэлээхтэрэ ураты арыйыылара уонна практикаҕа туттуллар сүбэлэрэ тутууга, энэргиэтикэҕэ, тырааныспар салаатыгар туһаныллаллар, өрөспүүбүлүкэҕэ уонна Илин Сибииргэ көмүһү, алмааһы, таас чоҕу, ньиэби хостооһун бырамыысыланнаһын сайыннарыыга туһуламмыт научнай-тэхэньиичэскэй үлэлэргэ олугунан буолбуттара.

Сотору Владимир Петрович биһиги кэккэбититтэн суох буолбута 20 сыла буолар. Бу кэм иһигэр эдэр көлүөнэ чинчийээччилэр үүнэн таҕыстылар, кинилэр иннилэригэр билими салгыы сайыннарыы, саҥа таһымҥа таһаарыы турар.

«Арассыыйа билимин академиятын Сибиирдээҕи салаатын Саха сиринээҕи научнай киинэ» Федеральнай чинчийэр киин генеральнай дириэктэрэ Михаил Лебедев 2002 с. саҕаламмыт симпозиум 21 сыл устата таһыма үрдээн иһэрин эттэ. Итиэннэ матырыйааллар бөҕө, үйэлээх буолууларын хааччыйыыны чинчийии үлэтэ билим уонна оҥорон таһаарыы салааларын икки ардыларыгар хардарыта сибээстээхтик ыытыллыытыгар уонна уустук тэхэньиичэскэй ситимнэри, матырыйааллары туһаныы куттала суох туттуллуутун ситиһиигэ, аһары тымныы килиимэттээх сирдэргэ тимири иһэрдиигэ саҥа матырыйааллары туһаныыга полимернай композиционнай матырыйааллар уо.д.а. туттулларын бэлиэтээтэ.

Симпозиум кыттыылаахтара академик В.П. Ларионовы чиэстээннэр пааматынньыгар сибэкки дьөрбөтүн уурдулар.

Recent Posts

  • Сонуннар
  • Уопсастыба

Балаҕан ыйыттан зажигалкалары уонна гаас баллоннарын пааспарынан көрөн эрэ атыылыахтара

Бу быраабыланы кэһии иһин ыстараап кээмэйэ сокуоннай саастарын ситэ илик оҕолорго табах бородууксуйатын атыылааһын иһин…

7 часов ago
  • Сонуннар
  • Уопсастыба

Оҕону суруйарга эрдэттэн эрчийиэххэ

Хас биирдии үөрэнээччи күннэтэ суругунан үлэни толорор. Ол гынан баран, аныгы үйэ тэриллэрэ сайданнар, дьон…

8 часов ago
  • Сонуннар
  • Ыйыт - хоруйдуубут

ЫЙЫТ-ХОРУЙДУУБУТ: Оҕо уһуйааҥҥа сылдьарга үөрэнэригэр хайдах көмөлөһөбүт?

Оҕо бастакы күнүгэр ытаан-соҥоон уһуйааҥҥа барарыгар, сарсын үчүгэй буолуо диэн бэйэҕитин уоскутунаҕыт. Ол эрээри, биир…

8 часов ago
  • Сонуннар
  • Сүрүн

Саха сиригэр чоҕу хостуур салаа кэскиллээх

Кэлиҥҥи сылларга дойду үрдүнэн чоҕу хостуур салаа кэккэ ыарахаттары көрүстэр да, Саха сирэ төттөрүтүн үрдүк…

9 часов ago
  • Сонуннар
  • Уопсастыба

Роспотребнадзор: ОРВИ сезона саҕаланыан иннинэ сэрэтэр дьаһаллары ылыныҥ

Роспотребнадзор тымныйыы, ОРВИ, кириип уонна коронавирус саҥа сезона саҕаланыан иннинэ илиини чаастатык суунары, дистанцияны тутуһары,…

9 часов ago
  • Кыайыы 80 сыла
  • Сонуннар

Үчүгэйиэн, оҕо саас!

…Оҕо саас уһаабатаҕа. Ол иһин Николай Саввич күн сирин көрбүт, оҕо буолан оонньообут кэмиттэн, эппиккэ…

10 часов ago