Хаартыска: СИА.
Байыаннай эпэрээссийэҕэ кытта сылдьар буойуттарга туох көмө, өйөбүл салгыы оҥоһулларын туһунан ХИФУ проректорын солбуйааччыта, ХИФУ иһинэн «#МЫ ВМЕСТЕ СВФУ” штаб салайааччыта Саргылана Нестерова хаһыат саайтын ааҕааччыларыгар кэпсээтэ.
— ХИФУ иһинэн «#МЫ ВМЕСТЕ СВФУ” диэн штаб алтынньы ыйтан тэриллэн, «#МЫ ВМЕСТЕ” диэн Бүтүн Арассыыйатааҕы көмө аахсыйатын өрөспүүбүлүкэтээҕи штабын кытта ыкса үлэлиир, быһа сибээскэ баар. Билигин биһиги блиндажнай чүмэчини оҥорууга наадалаах матырыйаалы хомуйууга ыҥырыы таһаардыбыт. Волонтер устудьуоннары кытта үлэһиттэр буоламмыт штабка мустан олорон чүмэчилэри оҥоруохпут.
Маны сэргэ уоппускаҕа кэлиэхтээх кэллиэгэбитигэр анаан тепловизоры ылыыга харчы хомуйа сылдьабыт. Психологтарбыт быһа сибээһинэн көмө көрдөөн кэлэр дьоҥҥо уйулҕа туругун чөлүгэр түһэриигэ үлэлии сылдьаллар. Ааспыт нэдиэлэ саҕаланыытыгар бииргэ үлэлиир үлэһиппит оҕото инники кирбиигэ сылдьан олохтон туораабытын курутуйа иһиттибит, манна аҕалан ийэ буоругар туттарыыга көмө оҥордубут. Байыаннай эпэрээссийэ кыттыылаахтарын кытта билигин үөрэх бары салааларыгар устудьуоннарын кытта көрсүһүүлэр буолуталыы тураллар.
Аҕа дойду Улуу сэриитигэр Кыайыы күнүн көрсө Кыайыы пааматынньыгар сибэкки дьөрбөтүн ууруу, үнүбэрситиэт бэтэрээннэрин уонна дьоруойдарын кытта көрсүһүүлэр, Студгородокка Кэриэстэбил чүмэчитин уматыы курдук кэккэ тэрээһиннэр буоллулар.
Кэбээйи улууһун суутун уурааҕынан оройуон биир нэһилиэгин олохтоохторо РФ Холуобунай кодексатын 166 ыстатыйатын 2 чааһын…
Бүгүн СӨ Киин быыбардыыр хамыыһыйатын бэрэссэдээтэлэ Евгений Федоров М.К. Аммосов аатынан ХИФУ үөрэтэр научнай киинин…
Билигин үгүс киһи чугас дьоммутугар Саҥа дьылга тугу бэлэхтиибит диэн толкуйдаах сылдьар буолуохтаах. Саҥа дьылга…
СӨ Үп министиэристибэтин кэлэктиибэ байыаннай дьайыы бэтэрээнин, «Саха сирэ – Дьоруойдар дойдулара» бырагыраама кыттыылааҕын, билигин…
"Саҕынньахтаах селедка" салааты Саҥа дьылга сөбүлээн оҥоробут. Ол эрээри, бу салааты атыннык эмиэ оҥоруохха сөп…
Ырыаһыт Виталий Очиров хатыыс хабаҕынан туһаныы туһунан видеота социальнай ситимнэринэн тарҕанна.