ХИФУ быйылгы үөрэххэ туттарсыы быраабылатын бигэргэттилэр

М.К.Аммосов аатынан Хотугулуу-Илиҥҥи федеральнай университекка быйыл үөрэххэ туттарсыы быраабылатын бигэргэппиттэр. Дойду Билимҥэ уонна үрдүк үөрэххэ министиэристибэтин бирикээһигэр олоҕуран, бакалавриакка уонна специалитекка үөрэххэ киирии алын баалын быһаарбыттар. Хас баал ирдэнэрий?

Биирдиилээн биридимиэттэринэн бу курдук алын бааллары быһаарбыттар:

нуучча тыла – 40 баал

математика – 40 баал

физика – 39 баал

обществознание – 45 баал

устуоруйа – 36 баал

информатика – 44 баал

омук тыла – 30 баал

литэрэтиирэ – 40 баал

биология – 39 баал

география – 40 баал

химия – 39 баал.

Бу ыйыллыбыт алын бааллар үп-экэниэмикэ институтун “Экэнимэмикэ” (Экономика и анализ данных (совместная программа двойного дипломирования СВФУ и НИУ ВШЭ), математика уонна информатика институтугар “Прикладной информатика” (Прикладная информатика в менеджменте) бырагыраамаларыттан ураты исписээлинэстэргэ барытыгар дьайар. Ити икки бырагыраамаҕа атын бааллар быһаарыллыбыттар.