Хаартыска: СИА.
Абитуриеннары кытта үлэ бэс ыйын сүүрбэ күнүгэр саҕаламмыта. Бакалаврга уонна специалитекка бүддьүөт миэстэтигэр от ыйын 25-с, төлөбүрдээххэ атырдьах ыйын 20-с күнүгэр диэри докумуоннары тутуу салҕанар.
Докумуоннары “госуслуги” порталынан, университет сайтыгар устудьуон тус кабинетынан ыытыахха эбэтэр сүрүн үөрэх куорпуһугар кэлэн туттарыахха сөп. ХИФУ быйыл уопсайа 4436 бүддьүөт миэстэтэ баар. ХИФУ 17 араас хайысханан үөрэххэ тутарсыхха сөп.
Докумуону тутар хамыыһыйаҕа «Единое окно» («Биир түннүк») оператордара үлэлэрин саҕалыыллар. Ол туһунан социальнай-культурнай сервис уонна туризм кафедратын үлэһитэ Туяра Николаевна Пономарева кэпсиир:
— «Биир түннүк» Арассыыйа устудьуоннарыгар биэс төлөбүрдээх, биэс бүддьүөт хайысхаларынан докумуону туттарарга кыаҕы биэрэр. Бу бырагыраама быһыытынан, абитуриент туттарсар информацията уопсай баазаҕа киирэр. Ону талбыт институттара барытын көрөн булаллар. Бу үлэни чэпчэтэр. Саҥа сүүрээннэр онон бүппэттэр. Сервис уонна туризм кафедратыгар быйыл икки хайысха арылынна: норуоттар икки ардыларынааҕы уонна региональнай туризм, гостиница дьыала. Дьокууйскайга саҥа 12 этээстээх гостиница тутулларыгар үлэһиттэргэ наадыйыахтара. Онно анаан исписэлиистэри бэлэмнииргэ кыһаллабыт. Бүддьүөт миэстэтигэр 15 оҕо киириэ уонна төлөбүрдээх миэстэлэр көрүллэллэр.
Диана Антонова
Арассыыйа аармыйатын Киин Академическай тыйаатыра Саха сиригэр кэлиэн иннинэ тыйаатыр дириэктэрэ Милена Авимскаялыын маннык кэпсэппиппит.…
Бүгүн, от ыйын 6 күнүгэр, Таатта улууһун хайысхатынан араас массыына, оптуобус халҕаһалыы субуллар. Манчаары төрүт…
Мэлдьи ахтар-саныыр доҕорбунаан Ньукулайдыын 80-с сыллартан “Кыым” хаһыакка үлэлиэхпититтэн билсибиппит. Хомсомуолга иитиллибит, хомуньуус баартыйа кыһатыгар…
Ураты быһыылаах түргэн мантыы ырысыабынан социальнай ситимнэринэн фудблогер уонна спортсмен Владимир Никитин үллэһиннэ. Өрөбүл күҥҥэ…
Норуот ырыаһыта Сергей Зверев төрөөбүтэ 125 сылынан Сунтаар улууһун Түбэй Дьаарханыгар ыытыллыбыт Ыһыах кыттыылаахтара Ыгыаттаҕа…
Сахабыт сиригэр самаан сайыммытын уруйдуур-айхаллыыр, араас ыһыахтар дьэ бүтэн эрэллэр. Мин эмиэ сааспын баттаһа, биир…