Ааптар хаартыскалара
Бүгүн, ахсынньы 7 күнүгэр, Хотугулуу-Илиҥҥи федеральнай университет устудьуоннар көҕүлээһиннэрин киинигэр өрөспүүбүлүкэтээҕи фашизмы утары пуорум чэрчитинэн «Диалог на равных» диэн кэпсэтии буолан ааста.
Устудьуоннарга байыаннай эпэрээссийэ саҕаламмыт төрүөттэрин сырдаттылар. Ону таһынан, фашизмы утары үлэ ыытыллар суолтатын кэпсээтилэр. Тэрээһин модераторынан ХИФУ-га ыччаты кытта үлэҕэ ректор солбуйааччыта Александр Ильин кытынна.
«Билигин дойду үрдүнэн буола турар фашизм илинтэн-кэлинтэн сабыдыаллара номнуо 2013-2014 сылларга биллибиттэрэ. Оччолорго үгүс дьон нацизм уонна фашизм сайдалларын билбитэ, сэрэйбитэ. Биһиэхэ бэйэбит төрөөбүт тылбытынан саҥарарбытын бобон саҕалаабыттара. Бу куһаҕан дьайыылар Арассыыйа үрдүнэн тарҕанныннар диэн санаанан салайтаран, информационнай уонна сэбилэниилээх сэриини саҕалаабыттара», — диэн эттэ Игорь Кимановскай.
Ону таһынан, ДНӨ сүбэһитэ билигин Донецкай Норуодунай Өрөспүүбүлүкэ уонна Саха сирин икки ардыларыгар истиҥ доҕордоһуу үөскээн эрэрин бэлиэтээтэ: «Кировскай куоракка киирдэҕим ахсын, өрүүтүн Саха сирин норуотун махтана саныыбын. Тоҕо диэтэххэ, саха омуга эйэлээх олоҕу тутарга күүс-көмө буола сылдьар. Бу курдук уустук кэмҥэ эһиги аттыбытыгар бааргыт — улахан чиэс уонна киэн туттуу».
РФ бэрэсидьиэнигэр Саха сирин Бастайааннай бэрэстэбиитэлэ Андрей Федотов бүгүҥҥү пуорум көннөрү тэрээһин буолбакка, олохпут бүгүҥҥү, сарсыҥҥы күннэрин саҥаттан ырытан, анааран көрөөһүн диэн бэлиэтээтэ. Ону таһынан, Саха сирэ эйэни олохтуур хамсааһыҥҥа инники кирбиигэ сылдьарын эттэ.
«Наука. Общество. Оборона» сурунаал сүрүн эрэдээктэрэ, полковник Владимир Кикнадзе Саха сирэ фашизмы утары бэбиэскэни толорор бастакы эрэгийиэннээҕи былаһаакка буолбутун бэлиэтээтэ.
Эльдар Садовников
Покровскайга Оҕо-ыччат успуордун оскуолата 1975 сыллаахха төрүттэммитэ. Оттон уус-уран гимнастика салаата манна 2021 сыллаахха арыллыбыта.…
Суут приставтарын федеральнай сулууспатын Дьокуускай куораттааҕы уонна Сунтаар улууһунааҕы управлениелара 280 тыһыынча солкуобайдаах иэһи төнүннэриигэ…
Дьоллоох Дьокуускай куораттан ахсынньы аан туманын хайа тыыран, ахсым-дохсун тимир көлөлөр мөҥүрүөннэр түөлбэлээн олорор Матта…
Дьокуускайга муниципальнай тэриллиилэр бэрэстэбиитэллээх уорганнарын дьокутааттарын үһүс сийиэһэ буола турар. “Муниципалитеты 2.0: ИИ как драйвер…
СӨ Идэлээх сойуустарын үлэ быраабыгар иниспиэксийэтин салайааччы, СӨ үтүөлээх юриһа Наталья Ивановна Барковская ыйытыыга эппиэттиир. …
Бүгүн, ахсынньы 17 күнүгэр, Айсен Николаев ыксаллаах быһыыны сэрэтэр, туоратар уонна баһаартан куттал суох буолуутун…