Хаартыска: СИА.
Хотугулуу-Илиҥҥи федеральнай университет бэйэтэ ыытар эбии тургутууларын хаһан буолалларын бигэргэттэ. Бакалавриат уонна специалитет бырагыраамаларыгар туттарсааччылар профессиональнай уонна айар тургутуулара, ону тэҥэ, орто анал үөрэх баазатыгар туттарсааччыларга тестированиелар уонна сэһэргэһиилэр от ыйын 16 күнүттэн саҕаланыахтара.
Федеральнай университекка докумуону бэс ыйын 20 күнүттэн тутуохтара. “Биир кэлим эксээмэн түмүгүнэн бүддьүөт миэстэлэригэр докумуону от ыйын 25 күнүгэр диэри ылыахтара. Юридическай баклытыат, үп-экэниэмикэ институтун, тас дойду филологиятын уонна регионоведение институтун бырагыраамаларыгар, мэдиссиинэ институтун иһинэн орто үөрэххэ туттарсарга уонна эксээмэн туттарар ирдэнэр түгэнинэр докумуоннары от ыйын 15 күнүгэр диэри ылыахтара, ХИФУ эбии тургутууларын (вступительные испытания) туттарааччылартан от ыйын 20 күнүгэр диэри тутуохтара. Төлөбүрдээх үөрэххэ биэрээччилэр сайылыанньаларын атырдьах ыйын 20 күнүгэр диэри биэриэхтэрин сөп”, — диэн ХИФУ киин тутар хамыыһыйатын сүрүннүүр исписэлииһэ Петр Кычкин иһитиннэрэр.
Айар исписээлинэстэргэ – инженернэй-тиэхиньиичэскэй инситукка “Архитектураҕа”, РФ Хотугулуу-Илиҥҥи норуоттарын тылларын уонна култуураларын институтугар “Норуот уус-уран култууратыгар”, “Айар литэрэтиирэҕэ”, филология бакылтыатыгар “Журналистикаҕа”, физика-тиэхэньиичэскэй институкка “Матырыйаалы оҥоруу технологиятыгар”, о.д.а. туттарсар абитуриеннар айар тругутуулары ааһаллар. Физическэй култуура уонна успуорт институтун, педагогическай институт, тас дойду филологиятын уонна регионоведениетын институтутар бакалавриат уонна специалитет сорох хайысхаларыгар профессиональнай тургутуулары ааһаллар.
Магистратураҕа бүддьүөт миэстэлэригэр туттарсааччыларга эбии тургутуулар атырдьах ыйын 1-11 күннэригэр, төлөбүрдээх миэстэлэргэ атырдьах ыйын 1-28 күнннэригэр буолуохтара.
Бары биридимиэттэргэ эксээмэннэр уонна тестированиелар иннилэринэ, онлайн уонна оффлайн көрүҥүнэн университет преподавателлэрэ сүбэлэри (консультация) бириэхтэрэ диэн үрдүк үөрэх кыһатыгар бэлиэтээтилэр.
Эбии тургутуулар (вступительные испытания) туһунан сиһилии ХИФУ саайтыгар ааҕыаххытын сөп.
ХИФУ пресс-сулууспата.
Сииттэҕэ "Үтүө санаа харыйата" сылын аайы ыытыллар. Кэнники кэмнэ олохтоохтор олус көхтөөхтүк кыттар буоллулар. Киирбит…
Бэрдьигэстээххэ 2025 сылы түмүктүүр "Бастыҥнар түһүлгэлэрэ" тэрээһин үрдүк таһымнаахтык буолан ааста. Үрдүктэн үрдүгү баһылааһын, сулустарга…
2026 сыл Уот кыһыл ат сыла буоларынан уонна улууспутугар ыытыллар Олонхо сылынан Сииттэ олохтоохторугар ураты,…
Бүгүн Үөһээ Бүлүүттэн ааҕааччыбыт, элбэх ырыа куонкуруһун кыайыылааҕа, ырыаһыт Ариан Федоров үүнэр 2026 сылы көрсө…
Саҥа дьыл кэнниттэн сорохторго өссө биир уоппуска кэмэ наадатын курдук буолар. Тоҕо диэтэххэ, урукку тэтимнэригэр…
Аҕыйах оҕону бэлэмнээн, хаар түспүтүн кэннэ сыарҕалаах ат булан, пиэримэҕэ кэнсиэрдии барабыт. Миигин бэлэмнээн биллэрээччи…