Хаартыска: ХИФУ.
Хотугулуу-Илиҥҥи федеральнай университекка үөрэххэ туттарсааччылар биир кэлим эксээмэн баалыгар уонна эбии тургутуулар түмүктэригэр эрэ буолбакка, тус ситиһии иһин эбии баалга суоттаныахтарын сөп. Үрдүк үөрэх кыһатыгар бакалавриакка уонна специалитекка үөрэххэ киирэргэ тус ситиһии иһин муҥутаан 10 баал ааҕыллар.
ХИФУ киин тутар хамыыһыйатыгар иһитиннэрбиттэринэн, университекка үөрэххэ туттарсарга улахан болҕомто академическай көрдөрүүгэ эрэ буолбакка, хас биирдии абитуриент ситиһиитигэр эмиэ уурулларын бэлиэтииллэр.
“Тус ситиһии улахан оруоллаах. Бу устудьуон буолаары сылдьар оҕо сыалын ситиһэрин, талаанын туоһулуур успуорка ситиһиилэр, билим кэмпириэнсийэлэригэр уонна олимпиадаларга, уопсастыбаннай олоххо кыттыы уонна да атын ситиһиилэр буолуохтарын сөп.
Тус ситиһии иһин баал үөрэххэ туттарсааччы бэйэтэ эбэтэр итэҕэллээх киһитэ сайабылыанньаҕа ыйбыт уонна маны туоһулуур докумуоннара баар эрэ түгэннэригэр аҕыллар” – диэн киин тутар хамыыһыйа исписэлииһэ Петр Кычкин бэлиэтиир.
Ол курдук, тус ситиһии испииһэгэр олоҕуран, үөрэххэ туттарсааччы өскөтүн Олимпийскай, Паралимпийскай, Сурдлимпийскай оонньуулар чөмпүйүөнэ, призера, аан дойду, Европа чөмпүйүөнэ буоллаҕына эбии 10 баалга суоттаныан сөп.
Аан дойду кубогар, аан дойдуга, Европаҕа биирдиилээн бастыыр иһин күрэхтэһиилэргэ бастакы уонна бириистээх миэстэлэргэ тиксибиттэр, Арассыыйа чөмпүөнэ ааты, Олимпиада, Паралимпиада, Сурдлимпиада бырагыраамаларыгар киирсэр успуорт көрүҥнэригэр Арассыыйа Кубогын ылбыттарга эмиэ 10 баал ааҕыллар.
Орто анал үөрэҕи уонна алын профессиональнай үөрэҕи туйгун сыананан бүтэрбит дьупулуом үөрэххэ киирэргэ эмиэ баал эбэр. Ол курдук, 3 сыл 10 ыйтан кылгаһа суох болдьохтоох үөрэх дьупулуома 7 баалы эбэр, 2 сыл 10 ыйтан кырата суох болдьохтоох – 5 баалы, 1 сыл 10 ыйтан итэҕэһэ суох болдьохтоох – 3 баалы, 10 ыйтан кылгаһа суох болдьохтоох – 2 баалы.
Үөрэххэ туттарсааччы тус ситиһиитин туоһулуур хас даҕаны докумуоннаах түгэнигэр, тус ситиһии иһин биирэ эрэ ааҕыллар. Бу туһунан ХИФУ пресс-сулууспата иһитиннэрэр. Тус ситиһии толору испииһэгин ыйыллыбыт сигэни баттаан көрүҥ.
От ыйыгар ГАИ үлэһитин тохтобулга ирдэбилин толорботох иһин ыстараап 12,5 төгүл үрдүөҕэ, ОСАГО полиһа суох…
От ыйын 1 күнүгэр Национальнай бэчээт күнэ бэлиэтэнэр. Бырабыыталыстыба дьиэтигэр сахалыы тыллаах көрдөрөр-иһитиннэрэр сириэстибэлэр үлэһиттэригэр,…
Саха сиригэр сыл саҕаланыаҕыттан байыаннай дьайыы 32 кыттыылааҕа уонна байыаннай сулууспалаахтар 85 дьиэ кэргэттэрин чилиэнэ…
Бу сыл тохсунньу 10 күнүгэр буруйдаах дьахтар Кырдьаҕастар уонна инбэлииттэр өрөспүүбүлүкэтээҕи интэринээт-дьиэлэрин дириэктэрин дуоһунаһыттан ууратыллыбыта.…
Бүгүн, от ыйын 1 күнүгэр, Саха сиригэр Национальнай бэчээт күнүн бэлиэтииллэр. Саха Өрөспүүбүлүкэтигэр Национальнай бэчээт…
Бүгүн халадьыыльныкка кимиэхэ барытыгар кэриэтэ баар бородууктанан мини-пиццалары астыыр ырысыабы кытта үллэстэбит. Пиццалар сыырдаах эбэтэр…