Норуоттар икки ардыларынааҕы научнай кэмпириэнсийэҕэ ХИФУ хамаандата гран-при буолла

 Ил Дархан Айсен Николаев бэлиэтииринэн, талааннаах оҕолору таһаарыы уонна кинилэри өйөөһүн өрөспүүбүлүкэ үөрэҕиририитин сүрүн соруга буолар. СУНЦ ХИФУ дириэктэрэ Милана Федотова иһитиннэрбитинэн, лиссиэй үөрэнээччилэрэ кэмпириэнсийэҕэ бары түөрт сиэксийэҕэ дакылааттарын көмүскээбиттэр.

«Үөрэх дьыла биһиэхэ этэҥҥэ түмүктэннэ. Биһиги оҕолорбут бу сылга 80 тахсата бүтүн Арассыыйатааҕы олимпиадаларга миэстэлэстилэр. Сүүрбэ төгүл норуоттар икки ардыларынааҕы күрэхтэһиилэргэ бастаатылар, бириистээх миэстэҕэ тигистилэр. Бу сылга биһиги лиссиэйбитин 61 оҕо бүтэрдэ. Онтон түөрт оҕо кыһыл көмүс мэтээлинэн«, — диэтэ дириэктэр.

Лиссиэй үөрэнээччитэ Анастасия Донская университет лиссиэйин хамаандатыгар кыһыл көмүс мэтээли ылары ситиспит. Кини биллиилээх ырыаһыт Лана Дель Рей айар үлэтин ырыппыт. Настя ырыаны, муусуканы сэргиир.

Бэлиэтээн эттэххэ, норуотар икки ардыларынааҕы наунай кэмпириэнсийэ от ыйын 4-9 күннэригэр буолан ааста. Манна уон дойдуттан сүүстэн тахса оҕо кыттыыны ылбыта.