ХИФУ хамаандата Универсиадаҕа 6 мэтээлгэ тигистэ

ХИФУ хамаандата IX Бүтүн Арассыыйатааҕы  сайыҥҥы Универсиадаҕа 6 мэтээли ылла.

Уфаҕа 14 көрүҥҥэ спортивнай күрэхтэһиилэр бэс ыйын 14 күнүттэн от ыйын 26 күнүгэр диэри ыытылыннылар. ХИФУ устудьуоннара алта мэтээлгэ тигистилэр, мантан үһэ кыһыл көмүс. Дойду 51 эрэгийиэниттэн 116 университеттан барыта 3000 спортсмен кытынна. ХИФУ устудьуоннарын физическэй иитии уонна сайыннарыы киинин салайааччыта Александр Черкашин иһитиннэрбитинэн, быйыл ХИФУ үчүгэй түмүктэри көрдөрдө.

«2022 сыллаахха Универсиада кэмигэр оҕолорбут биир эрэ кыһыл көмүс мэтээли ылбыттара, оттон быйыл чэпчэки атлетикаҕа уонна дзюдоҕа үс кыһыл көмүс мэтээли ылары ситистибит», — диэн кини кэпсиир.

Универсиада түмүгүнэн Ньургун Сокольников ыстаҥаҕа биир кыһыл көмүс мэтээли, дзюдоҕа Карина Ефимова уонна Надежда Татарченко икки кыһыл көмүс мэтээли, Ольга Лихтота үрүҥ көмүс мэтээли, ону тэҥэ тустууга Александр Авелов үрүҥ көмүс, Станислав Свинобоев боруонса мэтээллэри ыллылар диэн ХИФУ пресс-сулууспата иһитиннэрэр.