ХИФУ: иитии үлэтигэр — сүрүн болҕомто

Хас биирдии үөрэх тэрилтэтигэр Ийэ дойдуга бэриниилээх буолууга иитиигэ патриотическай түмсүүлэр үлэлииллэр.

РФ Бэрэсидьиэнин Уһук Илин уокуругун бэрэстэбиитэллээх боломуочунайа Юрий Трутнев бу ыччаты кытта үлэҕэ олус туһалаах уонна көдьүүстээх көрүҥ буоларын ыйбыта. М.К. Аммосов аатынан Хотугулуу- Илиҥҥи федеральнай университет ыччаты иитиигэ ураты болҕомтотун уурар. Бу туһунан бэйэтин санаатын ХИФУ үөрэх таһынан үлэҕэ уонна ыччат бэлиитикэтигэр проректора Александр Ильин санаатын үллэһиннэ:

— Ыччаты иитиигэ үрдүк үөрэх кыһатыгар тустаах тосхолго олоҕуран үлэлиибит. Биллэн турар, сүрүн үлэ духуобунас, кэлэктиип сомоҕолоһуута, аһымал санаа, үтүө дьыала курдук үгэс буолбут төрүт сыаннастарга олоҕурар. Маныаха сыһыаннаах төгүрүк остуоллары, аахсыйалары, санаа атастаһыыларын ыытабыт. Ыччат көҕүн, ыытар үлэтин өрүү өйүүр буолан, «Отчизна», ZEMA диэн киэҥник биллэр ыччат түмсүүлэрэ бааллар. Ыччат бэйэтэ былааннаах үлэни ыытар буолан, волонтердар, санаа атастаһар кулууптар, Аҕа дойду Улуу сэриитин туһунан өйдөбүлү харыстыыр түмсүүлэр үгүс өрүттээх үлэни ыыталлар. Ыччаты иитиигэ патриотическай тыыннаах араас хайысхалаах үлэни салгыыр былааннаахпыт