Хаартыска: ХИФУ саайтыттан.
Хотугулуу-Илиҥҥи федеральнай университет информатикаҕа уонна математикаҕа института 2025-2026 үөрэх дьылыгар “автоматизированнай систиэмэлэргэ информационнай куттал суох буолуута (аһаҕас информационнай систиэмэлэргэ куттал суох буолуута)” саҥа бырагыраамаҕа үөрэххэ устудьуоннары ылыаҕа.
“Устудьуоннар высшай математика, физика, электроника уонна схемотиэхиньикэ, дааннайдар ситимнэрин уонна систиэмэлэрин дириҥитиллибит кууруһун үөрэтиэхтэрэ. Дьиссипилиинэлэр улахан блоктара информация криптографическай көмүскэлгэ ньыматыгар, технологияларга уонна бырагыраамалааһын ньымаларыгар, информационнай куттал суох буолуутун хааччыйарга нуорма-быраап, кибербезопасность өттүгэр ананыаҕа. Улахан болҕомтону дааннайдары харыстааһын быраактыкаҕа сатабылыгар, харысхаллаах систиэмэни бырайыактааһыҥҥа, куттал суох буолуутун кэтээн көрүүгэ ууруохтара” – диэн математическай экэниэмикэ уонна прикладной информатика кафедратын дассыана Ирина Николаева этэр.
Тустаах идэҕэ үөрэтии иитинэн Экэниэмикэ үрдүк оскуолатын уонна Сибиирдээҕи геосистиэмэ уонна технология судаарыстыбаннай университетын кытта үлэлэһэр былааннаахтар.
Устудьуоннар 5 сыл 6 ый үөрэниэхтэрэ. Үөрэххэ киирэргэ ирдэнэр биир кэлим эксээмэннэр: математика – 40 б.; физика – 39 б.; информатика – 44 б.; нуучча тыла – 40 б. Орто анал үөрэх кэнниттэн туттарсааччылар высшай математика элэмиэннэрэ – 40 б.; информатика уонна информационнай технологиялар – 44 б.; нуучча тыла – 40 б. тест ааһаллар. 2025-2026 үөрэх дьылыгар бүддьүөттэн 25 миэстэ көрүллүбүт. Бу туһунан ХИФУ саайта суруйар. Сиһилии манна ааҕыҥ.
"Аҕа дойдуну көмүскээччилэр" пуонда филиала байыаннай дьайыы бэтэрээнэ Юлиан Смогайлов "Транснефть-Восток" бөдөҥ бырамыысыланнай хампаанньаҕа үлэҕэ…
Бу күннэргэ саамай кылгас, хараҥа, тымныы күннэр тураллар. Аҕыйах хонон баран, күммүт кутуйах хаамыытынан уһаан…
Ахсынньы 19 күнүгэр түүн Дьокуускай куоракка Ленин проспегар турар дьиэ биир кыбартыыратыгар уот турбут. Буруонан…
Арассыыйа Бэрэсидьиэнин Владимир Путин быһа лииньийэни кытта холбоһуктаах улахан пресс-кэмпириэнсийэтэ Москваҕа Гостинай дворга буолуоҕа. Бу…
Кэлэн иһэр саргылаах Саҥа дьылынан ытык-мааны сахам дьоно! Уһук хоту дьааҥы үрэх үрдүгэр турар Усуйаана…
Саха сирин экологияҕа министиэристибэтин сылы түмүктүүр мунньаҕар “Зеленый четверг” экология бырайыагын тэнитиигэ стратегическай сиэссийэ буолла.…