Видеоттан скриншот
Сэтинньи 27 — ахсынньы 1 күннэригэр Краснодар кыраайыгар мас тардыһыыга Арассыыйа чөмпүйэнээтэ ыытылынна.
Бу күрэхтэһии түһүлгэтигэр ХИФУ спортсменнара хамаанданан уопсай зачекка бастакы миэстэни ыллылар.
«АССК Фест» быйыл Арассыыйа 54 эрэгийиэниттэн 2,5 тыһ. тахса спортсмен түмүстэ. ХИФУ устудьуоннарга успуорду сайыннарар киин салайааччыта Александр Черкашин чөмпүйэнээт РФ успуорка министиэристибэтин көрүүтүнэн-истиитинэн ыытыллыбытын этэр.
«Бу чөмпүйэнээт үрдүк таһымнаахтык ыытылынна. Биһиги күрэхтэһиилэрбит дойду успуорка министиэристибэтин халандаарынай былааныгар киллэрилиннилэр. Бу биһиги устудьуоннарбыт мас тардыһыытыгар РФ успуорт маастарын аатын ылалларыгар кыаҕы биэрэр«, — диэтэ кини.
Чөмпүйэнээт түмүгүнэн хамаанданан уопсай зачекка ХИФУ сүүмэрдэммит хамаандата бастакы миэстэни ылла, иккискэ АГАТУ, үһүс бириистээх миэстэҕэ — Абхазия судаарыстыбаннай университета таҕыста. Маны таһынан, тус зачекка университет аҕыс устудьуона күрэхтэһии чөмпүйүөннэринэн буоллулар.
«Мин мас-рестлиҥҥэ РФ успуорт маастарабын. Маннык күрэхтэһиилэргэ үһүс кыттыым. Үчүгэйдик кытынныбыт, мин чөмпүйүөн буоллум. Чөмпүйэнээт бары кыайыылаахтарын уонна призердарын эҕэрдэлиибин«, — диэн ХИФУ үөрэнэр Фаина Дмитриева санаатын үллэстэр.
Маны сэргэ, бэстибээл иитинэн ХИФУ хабылыкка уонна хаамыскаҕа чөмпүйэнээти тэрийдэ.
«АССК Фест» бэстибээл РФ Бэрэсидьиэнэ В.Путин сорудаҕынан, Сириуска 2023 сыл бүтүүтүгэр илии баттаммыт «Талаан уонна ситиһии» үөрэх пуондатын, Арассыыйа устудьуоннарын спортивнай сойуустарын икки ардыларыгар сөбүлэһии иитинэн ыытыллыбыт. Хардарыта сибээстэһии ыччаты, устудьуоннары физкултууранан, успуордунан дьарыктаналларыгар көҕүлүүр, ону таһынан Бүтүн Арассыыйатааҕы уонна норуоттар икки ардыларынааҕы таһымнаах күрэхтэһиилэри ыытарга көмөлөөх.
Видео РФ наукаҕа уонна үөрэххэ министиэристибэтэ.
Бу ураты каарта оҕолорго төрөөбүт дойдуларын дириҥник өйдүүргэ уонна умнуллубат өйдөбүллэри бэлэхтиэҕэ. Манна Саха сирин…
Соторутааҕыта Ыксаллаах быһыы-майгы министиэристибэтин 35 сылыгар аналлаах тэрээһин Уһук Илин бастыҥ баһаарынайдарын түмтэ. Бу туһунан…
От ыйын 3 күнүттэн 5 күнүгэр диэри Нерюнгрига өрөспүүбүлүкэтээҕи Олоҥхо ыһыаҕа ыытылларынан сибээстээн, арыгыны атыылааһыҥҥа…
От ыйын 4-8 күннэригэр Дьокуускайдааҕы VIII норуоттар икки ардыларынааҕы киинэ бэстибээлэ ыытыллыаҕа. Быйылгы бэстибээл сүрүн…
Бүгүн Мииринэй оройуонугар баар «Саха сирин тыыннаах алмаастара» пааркаҕа («Живые алмазы Якутии») пааркаттан үөрүүлээх сонун…
Өлүөхүмэҕэ саҥа оҕо поликлиникатын үөрүүлээхтик астылар. Урут поликлиника 1980-с сыллардааҕы дьиэҕэ баар эбит. Билигин тэрилтэҕэ…