Хаартыска: Мичил Яковлев.
Хотугулуу-Илиҥҥи федеральнай университет миэдик устудьуоннарын “Сайберия” саха хампаанньатын мэдиссиинэҕэ инновационнай бырагырааматыгар үөрэтэн саҕалыахтара. Бу эрэнгиэн-быраастарга аналлаах идэҕэ туһаныллар тэриллэр уонна мэдиссиинэ хартыыналарын (изображения) модуллара буолаллар.
“Сайберия” хампаанньа 2016 сыллаахха тэриллиэҕиттэн араас ыарыыны быһаарыы эйгэтигэр биллэр түмүгү ситистэ, ол иһигэр COVID-19. Ол туһунан диагноһы сөптөөхтүк туруоруу үрдүк көрдөрүүтэ эрэ буолбакка, Илиҥҥи экэнэмиичэскэй пуорумҥа-2022 инновацияҕа бастааһына туоһулуур. Саҥа бырагыраамалыыр оҥоһуктар өрөспүүбүлүкэҕэ мэдиссиинэ инники каадырын бэлэмнээһиҥҥэ үрдүк таһымы хааччыйарыгар эрэллээхпин, университеттан онно үлэлииргэ үөрэнэн тахсыахтара”, — диэн ХИФУ ректора Анатолий Николаев этэр.
ХИФУ уонна “Сайберия” ХЭУо бииргэ үлэлэһиигэ сөбүлэҥнэригэр олоҕуран, университет биэс бырагыраамалыыр оҥоһугу туһанарга лиссиэнсийэ ылыаҕа. Бу бырагыраамалар тыҥа уонна инсульт (инсульт головного мозга) ыарыыларын эрдэтинэ буларга көмөлөөхтөр, хаачыстыбатынан тас дойдулар оҥоһуктарыттан итэҕэһэ суох тиэхэньиичэскэй характеристикалаахтар.
“Биһиэхэ математика уонна информатика институтун бүтэрбиттэр үлэҕэ киирдэхтэринэ, бэйэбит университеппыт туһугар “ыалдьабын”. Каадыр барытын быһаарар, ону ааһан, күүспүтүн түмэн, өрөспүүбүлүкэ сайдыытыгар боччумнаах кылааттарын киллэрэр кыахтаах исписэлиистэри бэлэмнээн таһаарар кыахтаныахпыт. Биһиги хампаанньабыт бу туһугар кыттарга бэлэм”, — диэн “Сайберия” ХЭУо генеральнай дириэктэрэ Афанасий Аргунов бэлиэтиир.
ХИФУ пресс-сулууспата.
Бу күннэргэ Улуу Кыайыы 80 сылыгар улуустарга уонна нэһилиэктэргэ Бэтэрээннэр искибиэрдэрин саҥардан оҥордулар, Кыайыы болуоссаттарыгар…
Ыам ыйын 8-9 күннэригэр Үөһээ Бүлүү улууһун Мэйик нэһилиэгэр Кыайыы 80 сылын көрсөр тэрээһин үрдүк…
Улуу Кыайыы 80 сылын көрсө, Аҕа дойду Улуу сэриитин кыттыылааҕа, ууну-уоту ортотунан ааһан, Улуу Кыайыыны…
Ыам ыйын 6 күнэ. Ил Дархан дойду Үөрэҕин миниистирэ Сергей Кравцовы кытта Дьокуускайдааҕы кадетскай оскуолаҕа…
Сунтаарбыт саамай элбэх үөрэнээччилээх, улахан кээмэйдээх оскуолатыгар быйыл улахан өрөмүөн үлэтэ ыытыллар. "Модернизация школьных систем"…
Дьокуускай куорат аҕам саастаах олохтоохторо түөкүттэргэ итэҕэйэн 23 мөлүйүөн солкуобайы уордарбыттарын туһунан ИДьМ пресс-сулууспата иһитиннэрэр.…