Хаартыска: СӨ Ил Дарханын уонна Бырабыыталыстыбатын пресс-сулууспата
Быйыл М.К. Аммосов аатынан ХИФУ Мэдиссиинискэй института 425 саҥа бырааһы үөрэтэн таһаарда, ол иһигэр 165 ординаторы, 3 магистры уонна 11 бакалавры.
56 бүтэрээччи орто профессиональнай үөрэх туһунан диплому ыллылар. «Саха сирин быраастарын кэккэтин «Эмтиир дьыала» салаатын 104 бүтэрээччитэ, 33 педиатр, 31 стоматолог, 9 провизор, «Медико-профилактическай дьыала» салаатын 13 исписэлииһэ толордулар. ХИФУ Мэдиссиинискэй институтун 169 бүтэрээччитэ үлэҕэ ананан ыытыллыахтара», – диэн СӨ Доруобуйа харыстабылын министиэристибэтигэр иһитиннэрдилэр.
Ону таһынан, 40 устудьуон Арассыыйа атын эрэгийиэннэригэр сыаллаах туһаайыынан үөрэммиттэрэ уонна быраас дипломнарын ылбыттарын кэннэ эмиэ Саха сирин мэдиссиинискэй тэрилтэлэригэр үлэлии төннүөхтэрэ. Өрөспүүбүлүкэ мэдиссиинискэй кэллиэстэрэ 1742 орто сүһүөх мэдиссиинискэй исписэлииһи бэлэмнээтилэр, кинилэр эрэгийиэн эмтиир тэрилтэлэрин кэлэктииптэрин толоруохтара.
Доруобуйа харыстабылыгар каадыр кыаҕын үрдэтиигэ эппиэттиир сүрүн структуралартан биирдэстэринэн эрэгийиэннээҕи Доруобуйа харыстабылын каадырын киинэ буолар. Бу киин мэдиссиинискэй үрдүк үөрэх кыһаларын бүтэрээччилэрин үлэнэн хааччыллыыларын кэтээн көрүүтүн, исписэлиистэр үлэттэн барыыларын төрүөттэрин ырытыынан уонна ординатура, хос бэлэмнээһин бырагыраамаларыгар көннөрүүлэри киллэрэр туһунан этиилэри оҥоруунан дьарыктанар.
«Үйэлээх уонна көхтөөх олох» национальнай бырайыак «Мэдиссиинискэй каадырдар» федеральнай бырайыак чэрчитинэн тэриллибит киин, эрэгийиэн ирдэбиллэрин хааччыйарга уонна Саха сирин доруобуйа харыстабылын тиһигин бигэ туруктаах сайдыытын туһугар мэдиссиинискэй исписэлиистэри систиэмэлээхтик сабаҕалыыр, бэлэмниир уонна аныыр сыаллаах-соруктаах.
Үөһээ Бүлүү улууһун Хомустаах сэлиэнньэтигэр саҥа искибиэр үөрүүлээх быһыыга-майгыга аһылынна. Бу РФ Бэрэсидьиэнэ Владимир Путин…
2022 сыллаахха оҥоһуллубут Саха сиригэр саҥа көлүөнэ «Экстра Синема» киинэ ситимэ өрөспүүбүлүкэҕэ креативнай индустриялар уларыйыыларын…
«Сулустаах» түөлбэ аттыгар саҥа үөрэх дьылын саҕаланыытыгар 990 миэстэлээх 40-с нүөмэрдээх орто оскуола аһыллыаҕа. Аныгылыы…
Владивосток куората «Саха сирин тимир суоллара» акционернай хампаанньа Куубагын иһин мас-рестлиҥҥэ аан дойдутааҕы турниры ыытарга…
Дьокуускайга Сэбиэскэй Аармыйа 50 сыла уулуссаҕа айан-сырыыны хааччахтыыр туһунан иһитиннэрдилэр. Уулуссаны сабыы нэдиэлэттэн ордук кэмҥэ…
Өрөспүүбүлүкэ үгүс мэдиссиинэ тэрилтэлэрэ холбоммут ТГ-ханаалга анал чаттарыгар бүгүҥҥү күҥҥэ 936 киһи тус ыйытыылардаах таҕыста.…