Хаартыска: СИА.
Муус устар 10 күнүттэн Хотугулуу-Илиҥҥи федеральнай университекка 11-с кылаас үөрэнээччилэрин биир кэлим эксээмэҥҥэ бэлэмниир “Шаг к университету” онлайн оскуола саҕаланна.
Университет преподавателлэрэ оскуоланы бүтэрээччилэри математикаҕа, информатикаҕа, биологияҕа, химияҕа уонна физикаҕа бэлэмниэхтэрэ. Киирэр уонна тахсар хонтуруолу ситиһиилээхтик туттарбыт истээччилэр үрдүк үөрэххэ киирэллэригэр тус ситиһии иһин баал ылыахтара.
Онлайн оскуолаҕа өрөспүүбүлүкэ 78 оскуолатыттан 669 оҕо суруйтарда, үөрэх ыам ыйын 7 күнүгэр диэри онлайн көрүҥүнэн барыаҕа. “Биһиги университеппыт Саха сирин оскуолаларын кытта биир да күн сибээһин тохтоппокко тиһиктээхтик үлэлээн кэллэ. “Шаг к Университету” саҥа бырайыак биһиги туруорар соруктарбытын ситиһэргэ көмөлөһүөҕэ, онтон үөрэнээччилэр билиилэрин кэҥэтэн бэйэлэригэр эрэллэрэ күүһүрэригэр уонна бэлэмнэрин таһыма үрдүүрүгэр эрэнэбит. Эһиги номнуо устудьуон быһыытынан кэлэргитин күүтэбит” – диэн ыйан-кэрдэн биэрэр лиэксийэҕэ ХИФУ эбии уонна үрдүк үөрэх иннинээҕи үөрэхтээһиҥҥэ департаменын дириэктэрэ Лариса Сивцева эттэ.
Онлайн оскуола үөрэнээччилэрэ мэдиссиинэ институтугар, математика уонна информатика институтугар, физика-тиэхиньиичэскэй институкка, инженернэй-тиэхиньиичэскэй институкка туттарсар баҕалаахтар. Бу туһунан ХИФУ пресс-сулууспата суруйар.
Хотугу сахалар бу кэмҥэ бултууллар, ол иһин бу ыйы ох ыйа дииллэр. Олоҥхоттон сэтинньигэ уруу…
Алтынньы 30 күнүгэр В.И. Малышкин аатынан куорат 23 №-дээх оскуолатыгар муусука учууталларын “Музыкальнай палитра” II…
Саха сиригэр көҕүлээһини өйөөн, аборт оҥорорго лицензиятын төннөрбүт бастакы чааһынай килииньикэнэн «Яннамед» буолла. Бу быһаарыыны…
Сэтинньи 4 күнүгэр Арассыыйаҕа Норуот сомоҕолоһуутун күнүн бэлиэтииллэр. Бу – норуот сомоҕолоһуутун, хардарыта көмөлөһүүтүн уонна…
Өрөспүүбүлүкэ киинигэр сэтинньи 8-9 күннэригэр күрэхтэһэр пилота суох көтөр аппарааттарга Саха сирин Куубага ыытыллара былааннанар.…
Норуот сомоҕолоһуутун күнүнэн, Саха сирин национальнай аһын-үөлүн «сүрэҕэр» – «Тыгын Дархан» эрэстэрээҥҥэ дойду нэһилиэстибэтигэр анаммыт…