Хаартыска: ХИФУ.
Хотугулуу-Илиҥҥи федеральнай университет түөрт салаата 2023-2024 үөрэх дьылыгар орто анал үөрэххэ ылыаҕа. Бары исписээлинэстэргэ уопсай орто үөрэх баазатынан туттарсыллар.
“Кэлэр үөрэх дьылыгар орто анал үөрэх бырагырааматыгар 345 бүддьүөт миэстэтэ көрүлүннэ, ону таһынан, 231 киһи төлөбүрдээх салааҕа үөрэнэ киириэн сөп. Ордук элбэх бүддьүөт миэстэтэ инфраструктурнай технология кэллиэһигэр – 325, Мэдиссиинэ институтун “сиэстэрэ дьыалата” исписээлинэскэ – 20 миэстэ. Былырыын орто анал үөрэххэ 4000-тан тахса сайабылыанньа киирбитэ, онтон 842 киһи устудьуон аатын сүкпүтэ”, — диэн ХИФУ киин тутар хамыыһыйатын сүрүн исписэлииһэ Петр Кычкин этэр.
Виктория Кожурова Мэдиссиинэ институтун “сиэстэрэ дьыалата” исписээлинэскэ орто анал үөрэххэ үөрэнэр. Үрдүк үөрэххэ киириэн химияҕа баала тиийбэккэ хаалбыт. “Институкка, саҥа билиигэ сирдиир уонна бэйэлэрин уопуттарыттан үллэстэр преподавателлэри биһириибин. Үөрэх кэмигэр элбэхтик быраактыкаланабыт: симуляционнай кииҥҥэ, анал манекеннарга, мэдииссиинэ тэрилтэлэригэр. Инникитин үрдүк үөрэххэ туттарсар санаалаахпын. ХИФУ Мэдиссиинэҕэ институтугар “Эмчит дьыалата” исписээлинэскэ киириэхпин баҕарабын”, — диэн Виктория Кожурова кэпсиир.
Санатан эттэххэ, ХИФУга үөрэххэ туттарсыыга аналлаах быһа эпиирдэр олунньу 28 күнүттэн саҕаламмыттара. Эпиирдэр нэдиэлэҕэ үстэ – оптуорунньукка, сэрэдэҕэ уонна чэппиэргэ 16:00 чаастан ХИФУ RuTube, Youtube, Telegram-ханаалларыгар буолаллар. Үөрэхтэр туһунан сиһилии манна билсиэххитин сөп.
Дьокуускайга 23 саастаах таксыыһы туттулар. Эдэр киһи полиция үлэһиттэриттэн куота сатаабыт. Бу туһунан СӨ ИДьМ…
Саха сирин олохтоохторо улуустар уонна нэһилиэктэр баһылыктарын, итиэннэ оройуон уонна нэһилиэк дьокутааттарын таллылар. "Улуус баһылыктарынан…
Саха сиригэр «яконтракт14.рф» саҥа саайт нөҥүө хантараагынан байыаннай сулууспаҕа барааччылар сайаапка хаалларыахтарын сөп. Российскай Федерация…
Биир дойдулаахпыт 17 саастаах Артур Портнягин НТВ ханаалыгар «Ты супер!» биэриигэ ыллаата. Дьүүллүүр сүбэ --…
Алта күннээх үлэ нэдиэлэтэ алтынньы 27 күнүттэн сэтинньи 1 күнүгэр диэри буолуоҕа. "Сомоҕолоһуу күнүн иннинэ…
Бүгүн, балаҕан ыйын 15 күнүгэр, Дьокуускайга сарсыарда хойуу туман түһэн, көтүөхтээх рейстэр тардыллыбыттар. Пресс-сулууспа иһитиннэрэринэн, көтөр-түһэр…