Хотугулуу-Илиҥҥи федеральнай университекка 2023-2024 үөрэх дьылыгар үөрэххэ ылыы быраабылатын, үөрэх ханнык хайысхалара баалларын билиһиннэриэхтэрэ, исписэлиистэр идэҕэ сыһыаннаах экспресс-диагностиканы, о.д.а. тэрээһиннэри ыытыахтара.
“Аһаҕас аан” күннэрэ ХИФУ “Сэргэлээх уоттара” култуура киинигэр, сэтинньи 10 күнүгэр, күнүс 10:00-15:00 чааска буолуоҕа диэн туһааннаах үөрэх кыһатын пресс-сулууспата иһитиннэрэр.
“Өрөспүүбүлүкэ үгүс оскуолалара кыттыахтара диэн сабаҕалыыбыт. Өрүс суола сабыллан, баҕалаахтар кыайан кэлбэккэ хаалалларын өйдүүбүт. Онон эмиэ бу курдук эрдэттэн идэҕэ туһаайар (профориентация) тэрээһини кэлэр сыл тохсунньу уонна кулун туттар ыйдарыгар ыытар былааннаахпыт. Оскуола үөрэнээччилэрин, төрөппүттэри уонна учууталлары таһынан “аһаҕа аан” күннэригэр устудьуоннар, орто анал үөрэҕи бүтэрбиттэр кыттыахтара диэн эрэнэбит”, — диэн ХИФУ киин тутар хамыыһыйатын сүрүн исписэлииһэ Петр Кычкин этэр.
Тэрээһиҥҥэ университет бары бакылтыаттара, институттара кыттыахтара, ону тэҥэ, үрдүк үөрэх иннинээҕи уонна идэҕэ туһаайар бакылтыат эмиэ.
Үөрэх салаалара бары биир былаһааккаҕа түмсүүлэрэ абитуриеннарга иһитиннэрии өттүнэн көдьүүстээх буоларыгар тэрийээччилэр эрэллээхтэр. ХИФУ практическай психологияҕа киинин исписэлиистэрэ кыттааччылар ханнык идэҕэ ордук чугастарын уонна сыстаҕастарын быһаарар тестированиены ыытыахтара. Ол түмүгүнэн уйулҕаһыт (психолог) факультеттарынан уонна бэлэмнэнии хайысхаларынан сүбэлэри биэриэҕэ.
“Итини тэҥэ, үөрэх салааларынан быраактыкаҕа тэттик дьарыктары, устудьуоннары, үөрэхтэрин бүтэрбит дьону уонна преподавателлэри кытта сэһэргэһиилэри былаанныыбыт. Иһитиннэриини ааспыт үөрэнээччилэр ХИФУ көхтөөх устудьуоннарын кытта университет кампуһун устун экскурсияҕа кыттыахтарын сөп. Оҕолор тиэхиньиичэскэй бакылтыат, естественнэй наукалар бакылтыаттарын, кылаабынай куорпус, уопсайынан, кампус туһунан билсиэхтэрэ”, — диэн Петр Кычкин түмүктээтэ.
Ыспыраапка:
Сиһилии 49-69-62, 32-00-47 нүөмэрдэринэн билсиэххитин эбэтэр priem@s-vfu.ru электроннай буочтаҕа суруйуоххутун сөп.
Тыа хаһаайыстыбатыгар үүт туттарыы – тыын боппуруос. Үүт туттарыллан үрүҥ-ас дэлэйэр, олохтоох аспытын-үөлбүтүн аһыыбыт, дьон…
Күн-дьыл туруга хайдаҕый? Дьокуускайдааҕы гидрометеорологическай сулууспа тугу иһитиннэрдэ? Соҕуруулуу-арҕаа, соҕуруулуу-илин, илин, хотугулуу-илин кыралаан ардыа, инчэҕэй…
Емельян Ярославскай аатынан түмэлгэ Аан дойдутааҕы түмэл күнүгэр анаммыт ''Түмэл түүнэ'' тэрээһиҥҥэ элбэх интэриэһинэй экскурсиялар,…
Өрөспүүбүлүкэ сиригэр-уотугар халаан туругун ыам ыйын 18 күнүгэр ыксаллаах балаһыанньаны сэрэтиигэ уонна туоратыыга хамыыһыйа мунньаҕар…
Халаан уутуттан эмсэҕэлиир нэһилиэктэр ахсааннарыгар урут хаһан да киирбэтэх Хатырык нэһилиэгэ улахан ууга ылларан, олохтоохтору…
Ыам ыйын 17 күнүгэр Нам улууһугар «Библионочь-2024» Бүтүн Арассыыйатааҕы аахсыйа Арассыыйаҕа Дьиэ кэргэн сылын чэрчитинэн…