ХИФУ ректора Анатолий Николаев Александр Колесовы эҕэрдэлиир

Бүгүн Арассыыйа Бэрэсидьиэнэ Владимир Путин «Боотур» этэрээт хамандыыра Александр Колесовка «Арассыыйа Дьоруойа» үрдүк аат сулуһун туттарда.

М.К.Аммосов аатынан Хотугулуу-Илиҥҥи федеральнай университет ректора Анатолий Николаев: «Александр Колесов, Арассыыйа дьоруойа үрдүк ааты ылбыт киһи туһунан оскуолаларга устуоруйа уруоктарыгар, университеттарга үөрэтиэхтэрэ, номох оҥостуохтара. «Боотур-1″ этэрээт хамандыырын аата Саха сириттэн сылдьар Сэбиэскэй Сойуус Дьоруойдарын ааттарын кытта биир кэккэҕэ турар. Кинилэр Аҕа дойду сэриитигэр дойдуларын көмүскээбиттэрэ. Александр Колесов уонна кини этэрээтин хорсун быһыыларын туһунан номохтор көлүөнэттэн-көлүөнэҕэ кэпсэниэхтэрэ. Кини биһи университеппытыгар устудьуоннары кытта элбэхтик көрсүбүтэ», — диэн санаатын үллэстэр.