ХИФУ ректорын солбуйааччы Александр Кугаевскай билиҥҥи Украинаҕа буола турар быһыы-майгы туһунан санаатын ааҕыҥ:
Экэниэмикэ наукатын хандьыдаата, инженер-экэнэмиис, ХИФУ ректорын ырытар уонна эспиэрдиир үлэҕэ солбуйааччыта Александр Кугаевскай ЛНР, ДНР, Херсон уонна Запорожье уобаластара Арассыыйаҕа холбонууларын кэнниттэн бэлиитикэҕэ уонна экэниэмикэҕэ тахсар уларыйыылар тустарынан санаатын эттэ.
«ДНР, ЛНР, Херсон уонна Запорожье уобаластарын Арассыыйаҕа төнүннэрии – бу киэҥ өйдөбүллээх түгэн.
- Бастакытынан, ДНР уонна ЛНР олохтоохторо оҕолорун уонна бэйэлэрин тустарыгар инникилэрин кыайан тымтыктанар кыаҕа суох буолбут туруктан таҕыстылар. Нациктар сабардаабыт сирдэрин-уоттарын олохтоохторо куруук кутталга олорууттан, атаҕастабылтан босхолоннулар.
- Иккиһинэн – билигин биһиги ДНР, ЛНР олохтоохторун кытта, Крым олохтоохторун курдук, биир дойду дьонобут-сэргэтэбит, биир тылынан саҥарабыт. Билигин биир сокуонунан олоруохпут, бары биир ыал буоллубут. Арассыыйа Федерациятын састаабыгар киирэр туһунан референдумҥа куоластааһын түмүгэ ону чаҕылхайдык туоһулаата. 2014 с. Крым курдук – 100 % тиийэр.
- Үсүһүнэн – Улуу Арассыыйа устуоруйатын түстээччилэринэн буоларбытын биллибит. Хаһан эрэ сүтэрбиппит, билигин төнүннэ. “Владимир – Нуучча Сирин Түмээччитэ” диэн өйдөбүл чопчу буолла. Арассыыйа саҥа географиятын, кини геополитическай уонна геоэкономическай балаһыанньатын дириҥник өйдүүр кэм кэллэ. “Дьиикэй Арҕаа дойду” туохтааҕар да мантан сэрэхэчийэр! Тоҕо диэтэххэ, Арассыыйа Украинаны кытта аан дойдуну сүрүн килиэбинэн хааччыйааччыларынан буолаллара. Килиэп эрэ буолбатах. Билигин саҥардыллыбыт Арассыыйа модун кыаҕа Сибииринэн эрэ муҥурданыа суоҕа.
Биллэрин курдук, Украина илиҥҥи уобаластара дойду индустриятын, энергетикатын, тыа хаһаайыстыбатын кыаҕынан буолаллара. Украина олигархтарын кытта хааннаах хапсыһыы туохтан буолбутай? Кинилэр кураанахха киирсибэттэр. Биллэн турар, баай-дуол, үрдүк барыстаах бырамыысыланнас оҥорон таһаарыытын иһин. Өҥ быйаҥнаах сир-уот иһин. Чөлүгэр түһэриэхпит. Анал дьайыы кэмигэр тахсыбыт сүтүгү, хоромньуну эрэ буолбакка, 30 сыл устата куорҕалламмыты уонна ыһыллыбыты-тоҕуллубуту. Чөлүгэр түһэрии суола уустук эрээри, махталлаах».
Хаартыска: ХИФУ саайтыттан ылылынна
Саха сирин тирэх пууннарын үлэһиттэрэ нэдиэлэ устата 18 сырыыны оҥордулар. Ол түмүгэр Саха сириттэн сылдьар…
Дьокуускайдааҕы кадеттар оскуолаларыгар "Юнармия" ыччат, оҕолор байыаннай-патриотическай хамсааһыннарын сүлүөтэ саҕаланна. Сүлүөккэ Алдан, Амма, Бүлүү, Мэҥэ…
Усуйаана улууһун Силээннээх национальнай нэһилиэгэр (Сайылык сэл.) балаҕан ыйын 14 күнүгэр нэһилиэк баһылыгын быыбара буолуохтаах.…
Үөрэх этэринэн, киһи орто сааһа 120 сыл диэн да, дьиҥэ, олохпут итинтэн быдан ырааҕынан кылгас. Быраастар,…
Аллараа Бэстээх бөһүөлэгэр суолга бензовоз сууллан, паромҥа киирэр суол сабыллыбытын туһунан иһитиннэрэллэр. ДТП тахсыбыт сиригэр…
Саха норуодунай бэйиэтэ, Саха сирин Суруйааччыларын сойууһун бэрэссэдээтэлэ, биллэр уопсастыбаннай диэйэтэл, саха поэзиятын Далбар хотунунан…