Хаартыска: ХИФУ пресс-сулууспата
«У самого Черного моря» ХХІ норуоттар икки ардыларынааҕы куонкурус-бэстибээлгэ Хотугулуу-Илиҥҥи федеральнай университет «Ситим» үҥкүү ансаамбыла сахалыы «Дэгэрэҥ» уонна хотугулуу үҥкүүлэргэ икки нүөмэри билиһиннэрдэ.
Бастакы истиэпэннээх лауреаттар уонна Гран-при хаһаайыттара быйыл бэстибээл грантовай куонкурустарыгар кыттарга ыҥырыы туттулар. Ансаамбыл салайааччыта, Саха сирин Култууратын үтүөлээх үлэһитэ Надежда Попова кэпсииринэн, куонкуруска 200-чэкэ кэлэктиип кытынна, олор истэригэр 60-ча үҥкүүһүт.
Быйыл «Ситим» ансаамбыл дьоҕус састааптаах кытынна. Кинилэр сахалыы «Дэгэрэҥ» уонна хотугу норуоттар үҥкүүлэрин туруорбуттар. Икки нүөмэр олус тэтимнээх уонна эрчимнээх үҥкүүлэр. Куонкурус от ыйын 20 күнүгэр ыытылынна. Кэнсиэр кэнниттэн салайааччылар эспиэрдэри кытта санааларын үллэһиннилэр уонна төгүрүк остуол тэрийдилэр. Дьүүллүүр сүбэ кыттааччылар олус түмсүүлээхтэрин үрдүктүк сыаналаата. «Оҕолорбут хотуга сир энергетикатын уонна кэрэ көстүүлэрин көрдөрөллөрүн ситистилэр», — диэн быһаарда Надежда Попова.
Эрэгийиэннээҕи бэстибээл кыайыылаахтарыгар аныгыскы финальнай куонкурустарга кыттарга 20 тыһ. солк. сэртипикээт туттарылынна. Конкурустар Арассыыйа хас да куораттарынан ыытыллыаҕа: Москваҕа, Санкт-Петербурга уонна Казань куоракка. «Үөрэхтээһин уонна иитии биир таһымҥа тураллар — үчүгэй иитиитэ суох хаачыстыбалаах үөрэх ситиһиллибэт. Биһиги университеппыт уонна ректорбыт Анатолий Николаев мэлдьи айар талааннаах устудьуоннары өйүүллэриттэн олус үөрэбин. Оҕолор куонкурустарга кыттан саха фольклорун уонна култуурунай нэһилиэстибэтин тарҕатыыга үлэлэһэллэр, ону кытта бэйэлэрэ сайдаллар», — диэн салайааччы бэлиэтээтэ.
Ахсынньыга Дьокуускайга оҕолорго уонна ыччаттарга I өрөспүүбүлүкэтээҕи төрүт култуураҕа чөмпүйэнээт буолан ааспыта. Төрүт сахалыы эйгэни…
Сахалар билгэлэрэ Сахалар итэҕэллэринэн киэһэ таһырдьа улаханнык саҥарыа, айдаарыа суохтааххын, сир иччитин кыыһырдыаххын сөп. Түүн…
2025 сыл талааннаах бастыҥ ыччатынан Эрхаан Слепцову ааттыыбыт. “Айхал” диэн Дьулусхан Андросов таһаарбыт сахалыы киинэҕэ…
Айсен Николаев ахсынньыга Туһаайан этиитигэр ааспыт сыл ситиһиитин кэпсээтэ, кэлэр сылларга сайдыы тосхолун торумнаата, парламент,…
Бу күннэргэ күн-дьыл туруга хайдаҕый? Күнү-дьылы кэтээн көрөөччүлэр туох дииллэрий? Саха сирин арҕаа, соҕуруулуу-арҕаа ,…
Дьокуускай куорат В. И. Малышкин аатынан 23‑с нүөмэрдээх оскуолатын саха тылын, литэрэтиирэтин учуутала, РФ уопсай үөрэхтээһинин бочуоттаах…