Хаартыска: ХИФУ саайтыттан.
Бырабыыталыстыба истипиэндьийэтэ дойду экэниэмикэтин уларытар уонна технологическай өттүнэн сайыннарар инники күөҥҥэ сылдьар хайысхаларыгар үөрэнэр устудьуоннарга туттарыллар. Быйыл стипендиатынан Хотугулуу-Илиҥҥи федеральнай университет уонна кини филиалларын үрдүк академическай көрдөрүүлээх уонна билим-быраактыкаҕа үлэтигэр ситиһиилээх тоҕус устудьуон буолла.
ХИФУ физика-тиэхиньикэ институтун үһүс кууруһун устудьуона Андрей Слепцов “Радиотехника” хайысхатыгар үөрэнэр. “Бу араадьыйа сибээһиттэн микроэлектроникаҕа диэри киэҥ хайысханы хабар инженернэй идэ буолар. Үрдүк үөрэххэ киирэрбэр чопчу бу хайысханы сэҥээрбитим. Үчүгэйдик үөрэнэбин, билигин дассыан Ефим Неустроев салалтатынан “Создание гидрофобных покрытий с применением плазменного осаждения углерода и последующей низкотемпературной кристаллизации” бырайыагынан, ону тэҥэ, микроконтроллеры бырагыраамалааһынан дьарыктанабын”, – диэн кини этэр.
Устудьуон идэҕэ билиитин дириҥэтэн үөрэтэр инниттэн, үөрэҕин кэнниттэн магистратураҕа киирэр былааннаах. “Истипиэндьийэни анааһыннара миэхэ үлэбин уонна ситиһиибин үрдүктүк сыаналаабыттарын бэлиэтэ”, – диэн Андрей Слепцов быһаарар.
Кинини сэргэ истипиэндьийэни Нерюнгритааҕы тиэхиньиичэскэй институт (филиал) устудьуона Ибрагим Алиновка уонна Сергей Скрыбыкиҥҥа, ону тэҥэ, Чукоткатааҕы филиалтан Екатерина Мироноваҕа анаабыттар. ХИФУ-тан Константин Ефремов, Ньургустан Тимофеев (автодорожнай факультет), Лариса Романова уонна Остап Чичигинаров (математика уонна информатика института), Виктория Решетникова (естественнэй билим института) бааллар. Бу туһунан ХИФУ саайта суруйар.
Бүгүн Дьокуускайга «Патриот» ыччат киинин үөрүүлээх аһыллыыта буолан ааста. Бу аныгы кэм ыччатын сайдар, үүнэр,…
Бүгүн Саха сиригэр бастакы Уһук Илиҥҥэ биир бөдөҥ элбэх функциялаах «Патриот» ыччат киинэ үөрүүлээх быһыыга-майгыга…
Бүгүн Саха сиригэр бастакы элбэх функциялаах «Патриот» ыччат киинэ аһылынна. Бу киин Уһук Илиҥҥэ биир…
СӨ Бырабыыталыстыбатын Бэрэссэдээтэлин бастакы солбуйааччы Дмитрий Садовников ыксаллаах быһыыга-майыга түбэспит дьону көрдүүр-быыһыыр үлэлэр статистикаларын туһунан…
Норуодунай фронт эрэгийиэннээҕи салаатын үлэһитэ Дмитрий Паньков этэринэн, Арассыыйа Бэрэсидьиэнэ ыыппыт быһа кэпсэтиитигэр Саха сириттэн…
Өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III Сийиэһэ ахсынньы 17 күнүгэр саҕаланар. III Сийиэс бырагыраамата…